قىزدارعا: ايەل ادامنىڭ قارىم-قاتىناستاعى اعاتتىعى - كەرۋەن تورابى

قىزدارعا: ايەل ادامنىڭ قارىم-قاتىناستاعى اعاتتىعى

ايەل زاتى ەر ادامنىڭ الدىندا ءوزىن جاقسى كورسەتەمىن دەپ ءتۇرلى ايلا-شارعى جاساۋى مۇمكىن. ءبىراق سونىڭ ىشىندە ەكى تاراپقا دا ايدان انىق كورىنىپ تۇراتىن، جاساندى نارسە ەكەنى بەسەنەدەن بەلگىلى نارسەلەر بار.

«راقمەت، تويىپ تۇرمىن!»

بۇل ەندى ءالى تۇرمىسقا شىقپاعان قىزداردىڭ ايتاتىن ءسوزى ەكەنى تۇسىنىكتى. اسىرەسە العاشقى كەزدەسۋدە جىگىتپەن مەيرامحاناعا بارعان قىز اس ءمازىرىن ون اۋدارا وقىپ، قانداي تاعامعا تاپسىرىس بەرەرىن بىلمەي، اقىرى ءبىر سالاتپەن عانا شەكتەلەدى. ءبىرى سالاۋاتتى ءومىر سالتىن ۇستاناتىن، ءمۇسىنىن قالىپتى ۇستايتىن ادام رەتىندە كورىنگىسى كەلسە، ەندى ءبىرى جاڭا كەزدەسكەن جىگىتتىڭ قالتاسىنا سالماق سالمايىن دەپ الاڭدايدى. الايدا بۇل ەكى سەبەپ تە ادامنىڭ شىنايى بەينەسىنە جات ەكەنىن بارلىعى بىلەدى. ەكىنشى، ءۇشىنشى كەزدەسۋ سايىن وسى ارەكەت قايتالان بەرسە، ودان كەز كەلگەن ادام جالىعادى. ىشكى ويىڭىزدى جاسىرماڭىز.

«ءيا، دۇرىس، نە دەسەڭ دە كەلىسەمىن!»

ءبىر قاراعاندا بۇل ابدەن دۇرىس كورىنەدى، ياعني ەر ادام قانتتى قارا دەسە دە كەلىسىپ، باس شۇلعاي بەرۋ كەرەك دەپ ءبىزدىڭ سانامىزعا ءسىڭىرىپ تاستاعان. ءبىراق دۇرىس ەمەس ەكەنىن ول دا، سەن دە بىلە تۇرا وتىرىك كولگىرسۋدىڭ قاجەتى قانشا؟! ءيا، ايەل ادام ەر ازاماتتان ءبىر ساتى تومەن تۇرادى. ءبىراق ول نە دەسە دە كەلىسىپ، ايتقانىنا كونىپ، ايداعانىنا ءجۇرۋ ەمەس. باسىبايلى قۇلى بوپ كەتكىسى كەلمەسە، ايەل ادام ازاماتىنا باعىنا وتىرىپ، ءوزىن دە ۇمىتپاۋى ءتيىس. ارمانىن، ماقساتىن، قىزىعۋشىلىعىن ماحابباتتىڭ جولىندا قۇربان قىلۋ جاراماس. بۇيتە بەرسە، وزگەگە دە، وزىنە دە تۇك قىزىقسىز بوپ قالادى.

«جانىمنان جىراقتاماشى!»

ەكى ادام ءبىر-ءبىرىن قانشا جەردەن ءولىپ-ءوشىپ سۇيەتىن بولسا دا، ولاردىڭ اراسىندا قانداي دا ءبىر قاشىقتىق بولۋى كەرەك. ەكى جارتى ءبىر ءبۇتىن بوپ باس قوسقاننان كەيىن ءبىر-بىرىنە جابىسىپ ءومىر سۇرۋ كەرەك دەگەن ءسوز ەمەس. قايتا ەكەۋى ساعىنىسىپ قاۋىشاتىنداي الشاقتىق ساقتاپ تۇرعانى ابزال. دەمالىستى دوستارىمەن بىرگە ۋاقىت وتكىزگىسى كەلسە، «مەن شە؟ جالعىز قىدىرۋدى جاقسى كورەسىڭ بە؟ جانىڭدا جۇرسەم ارالاسىڭ با؟» دەگەن سەكىلدى اقىلعا سىيمايتىن سوزبەن ەر ادامنىڭ باسىن قاتىرماي، وعان ەركىندىك بەرىڭىز. وزىڭىزگە دە وڭاشا ۋاقىت ارناپ، بالا ارمانىڭىزدى ەسكە ءتۇسىرىپ، مەديتاتسيا سەكىلدى ارەكەتتەر جاساۋعا ۋاقىت ارناڭىز.

قاينار: يىنتەرنەتتەن | رەداكتور: سارماي | كورىلىم : 194 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز