نەگە كامەلەت جاسى 18؟ - كەرۋەن تورابى

نەگە كامەلەت جاسى 18؟

ەلىمىزدە جانە كوپتەگەن مەملەكەتتە كامەلەت جاسى رەتىندە 18 جاس بەكىتىلگەن. زاڭعا سايكەس، كامەلەت جاسىنا تولعان ادام تولىقتاي ازاماتتىق قۇقىققا يە بولىپ، ءوز ىسىنە جاۋاپكەرشىلىك الادى. ءبىراق، نەگە ءدال 18 جاس كامەلەتتىك جاس سانالادى؟

تاريحي كوزى:

«كامەلەت جاسى» ۇعىمى 18- عاسىردا ۇلى فرانتسۋز توڭكەرىسى كەزىندە تۋعان. ءدال سول ۋاقىتتا «ازامات/ ازاماتشا» دەگەن ۇعىم پايدا بولىپ، وزگە ەلدەرگە تارالا باستادى. ازامات ساناتىنا جۇمىس كۇشىنە جارامدى 18 جاستاعى تۇرعىندار جاتتى. سودان بەرى كوپتەگەن ەلدى كامەلەت جاسى وزگەرە قويعان جوق.

عىلىمي تۇرعىدان:

كامەلەت جاسىن قابىلداماس بۇرىن، زاڭگەرلەر مەديتسينا جانە پسيحولوگيا عالىمدارىنىڭ پىكىرىنە سۇيەنەدى. عىلىمي تۇرعىدان 18 جاستا ادامدار پسيحولوگيالىق جانە فيزيكالىق قالىپتاسۋ كەزەڭدەرىنىڭ باسىم بولىگى ءوتىپ ۇلگەرەدى. مىسالى:

- بالانىڭ كريتيكالىق ويلاۋ داعدىسى تولىعىمەن قالىپتاسادى؛

- ادامدار ەرىكتى نازار داعدىسى باسىمىراق بولا تۇسەدى؛

- وزىنە عانا تان سەكسۋالدى ەرەكشەلىك تولىعىمەن قالىپتاسادى؛

- ادامدا جەكە ءمورال ۇعىمى قالىپتاسادى؛

- قوعاممەن بايلانىس قالىپتاسادى.

18 جاستا ادام جان-جاقتى ويلاپ، شەشىم قابىلداي الادى. سونىمەن قاتار جاۋاپكەرشىلىك الىپ تا بىلەدى. مەديتسينا بويىنشا بۇل جاستا ىشكى اعزا مەن جۇيەنىڭ قالىپتاسۋى اياقتالادى. ياعني، بۇل ۋاقىتتا جاس بولسا دا، ەرەسەكتەرگە تۇسەتىن كۇشتى كوتەرە الادى، ولارمەن تەڭەسە جۇمىس ىستەي الادى.

زاڭ، عىلىم جانە تاريح 18 جاستا ادام ەسەيەدى دەگەنىنە قاراماستان،  ەسەيۋ كەزەڭى ءار ادامدا ءارءتۇرلى جۇرەتىنى جاسىرىن ەمەس. 18 جاس– بار بولعانى ورتاشا ستاتيستيككالىق كورسەتكىش. ستەنفورد ۋنيۆەرسيتەتىنىڭ زەرتتەۋشىلەرى مەن جاستارمەن جۇمىس ىستەپ جۇرگەن تۇلەگى دجۋليا ليتكوتت-حەيمس تومەندە كورسەتىلگەن قاسيەتتەر بويىنان تابىلعاندا عانا وزىن تولىققاندى ەرەسەك ساناي الادى دەيدى:

- تاۋەكەل ەتىپ بىلگەندە؛

- بەيتانىس ايماقتا جول تاۋىپ، وعان بەيىمدەلگەندە؛

- بەيتانىس ادامدارمەن قارىم-قاتىناس ورناتىپ بىلگەندە؛

- وزدىگىنەن تابىس تاۋىپ جانە ونى جۇمساپ بىلسە؛

- ورتادا تۋعان كيكىلجىڭدى شەشىپ بىلسە؛

- ءۇي شارۋاشىلىعىن ءوز بەتىمەن ورىنداي السا؛

- ءوز جەڭىسى مەن جەڭىلىسىن دۇرىس قابىلداي بىلسە.

بۇنداي تۇلعالىق باقىلاۋ جالپىعا ورتاق. دەگەنمەن، جاستار تۇگىلى كەيدە جاسى ەلۋدەن اسقان ەل اعالارىنىڭ وزىندە بۇنداي قاسيەتتەر تابىلمايدى.

قاينار: يىنتەرنەتتەن | رەداكتور: سارماي | كورىلىم : 736 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز