دانىشپاندىق — ايەلدەرگە قاراعاندا ەرلەرگە كوبىرەك ءتان قاسيەت - كەرۋەن تورابى

دانىشپاندىق — ايەلدەرگە قاراعاندا ەرلەرگە كوبىرەك ءتان قاسيەت

نيۋ-يورك، دەنۆەر جانە گارۆارد ۋنيۆەرسيتەتتەرىنىڭ عالىمدارى ارنايى زەرتتەۋ جاساي كەلە، ايەلدەرگە قاراعاندا ەرلەردىڭ تالانتى كوبىرەك مويىندالادى دەگەن تۇجىرىم جاسادى. زەرتتەۋJournal of Experimental Social Psychology («ەكسپەريمەنتالدى الەۋمەتتىك پسيحولوگيا») جۋرنالىندا جاريالاندى. ساۋالناماعا قاتىسقان 78 ەل ازاماتى بۇعان سەنىمدى، ياعني، «دانىشپاندىق — ايەلدەرگە قاراعاندا ەرلەر كوبىرەك ءتان قاسيەت» دەپ ەسەپتەيدى.

تاجىريبە بارىسىندا گەندەرلىك ستەرەوتيپتىڭ  كەڭ تارالعانى انىقتالدى. ادامدار كوبىنەسە ءوز ويلارىنىڭ ناقتى وسى شەڭبەر اياسىندا قالىپتاسقانىن مويىنداعىسى كەلمەيدى. ياعني، ەرلەر ينتەللەكتىنىڭ دەڭگەيى ايەلدەرگە قاراعاندا الدەقايدا جوعارى دەگەن تۇسىنىك قازىرگى قوعامدا اۆتوماتتى تۇردە پايدا بولادى. 

«دانىشپاندىق تەك ەرلەرگە ءتان دەپ ويلاۋ كوپتەگەن ايەلدىڭ ءمانسابىنا زيانىن تيگىزىپ، ولاردىڭ جەتىستىككە جەتۋىنە كەدەرگى كەلتىرۋى مۇمكىن»،- دەيدى دەنۆەر ۋنيۆەرسيتەتىنىڭ پسيحولوگيا كافەدراسىنىڭ دوتسەنتى جانە زەرتتەۋدىڭ جەتەكشىسى دەنيەل ستورەدج. 

زەرتتەۋگە 78 ەلدەن 3000 نان استام ادام قاتىسقان. ولاردىڭ قاتارىندا ەرەسەك ەرلەر مەن ايەلدەر جانە 9-10 جاس ارالىعىنداعى ۇلدار مەن قىزدار بولعان. ەكسپەريمەنت بارىسىندا قاتىسۋشىلارعا ادامعا ءتان قاسيەتتەر جازىلعان قاعازدار كورسەتىلدى. ولارعا بەرىلگەن تاپسىرما سول قاسيەتتەردىڭ ەر اداممەن نە ايەلمەن اسسوتسياتسيالاناتىنىن جازۋ بولدى. 

تاجىريبە سوڭىندا عالىمدار جاۋاپتاردىڭ جىلدامدىعىن سالىستىرىپ كورگەن. كوپشىلىك دانىشپاندىقتى كوپ ويلانباستان ەر ادامدارعا ءتان دەپ كورسەتكەنى بەلگىلى بولدى. 

عىلىمي جۇمىس اۆتورلارى مۇنداي تاقىرىپتاردى بىرنەشە باعىتتا جانە وتە مۇقيات زەرتتەۋ كەرەك دەپ سانايدى.

الايدا، بۇل ادامداردىڭ ءالى دە ستەرەوتيپتىك سەنىمدەرگە تاۋەلدى ەكەنىن كورسەتەتىن العاشقى زەرتتەۋ ەمەس.

قاينار: قازاقىستان تورابى | رەداكتور: سارماي | كورىلىم : 303 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز