مي جۇمىسىن جاقسارتۋعا ارنالعان 3 جاتتىعۋ - كەرۋەن تورابى

مي جۇمىسىن جاقسارتۋعا ارنالعان 3 جاتتىعۋ

ءسىز كۇندەلىكتى دەنەڭىزدى شىنىقتىرىپ، جاتتىعۋ جاسايسىز با؟ بۇل سىزگە سەرگەكتىك سىيلاپ، ءار ءىستى قۇلشىنىسپەن ىستەۋ ءۇشىن قاجەت. ال ميمەن جۇمىس ىستەۋ، ويلانۋ، شەشىم شىعارۋ فيزيكالىق بەلسەندىلىكتەن دە قيىن ەكەنىن بىلەسىز بە؟ سول سەبەپتى دەنە جاتتىعۋىمەن قاتار، ميدى دا شىنىقتىرىپ وتىرۋدى ۇمىتپاعان دۇرىس. سونىمەن، كەتتىك.

ءبىرىنشى جاتتىعۋ. الەمدى جاڭاشا سەزىنىڭىز. ول ءۇشىن مىندەتتى تۇردە ۇيدەن شىعىپ كەتۋ قاجەت ەمەس. جاي عانا كوزىڭىزدى جۇمىپ، 5 مينۋت پاتەردەگى ۇنگە قۇلاق ءتۇرىڭىز. ءوزىڭىزدى بالاڭىزبەن سالىستىرىپ كورىڭىزشى. كىم ەرەكشە بولشەكتەردى كوبىرەك بايقايدى. مۇمكىن كۇندەلىكتى ءمان بەرمەيتىن مىسىقتىڭ پىرىلى ەستىلىپ تۇرعان بولار. ال تەرەزەنىڭ ار جاعىندا نە بولىپ جاتىر ەكەن؟! بۇل جاتتىعۋ ارقىلى سەزىمدەرىڭىز جاڭاشا جۇمىس ىستەي باستايدى، دەمەك ميىڭىز دا قۋات الادى. سونىمەن قاتار ويدى ءبىر نارسەگە شوعىرلاندىرۋعا داعدىلاناسىز، سەزىمتالدىقتى ارتتىرۋعا كومەگى تيەدى.

ەكىنشى جاتتىعۋ. سۇيىكتى مۋلت فيلمىڭىزدى نە سەريالىڭىزدى قوسىڭىز، مۇمكىندىگىنشە بۇرىن كورمەگەن سەرياسى بولعانى جاقسى. ەندى ونىڭ دىبىسىن ءوشىرىپ قويىڭىز دا، بۇل جاتتىعۋعا بۇكىل وتباسى مۇشەسىن قاتىستىرىڭىز. نە جالعىز ءوزىڭىز-اق بارلىق كەيىپكەردىڭ اتىنان سويلەپ شىقساڭىز بولادى. ولاردىڭ ءىس-ارەكەتىنە قاراپ، نە ايتىپ جاتقانىن ويشا قۇراستىرىپ كورىڭىز. وسىلايشا ادەتتەگى الەمگە ەرەكشە كوزقاراسپەن قاراپ، شىعارماشىلىق ويلاۋ قابىلەتىن جەتىلدىرەمىز.

ءۇشىنشى جاتتىعۋ. ۇيىقتار الدىندا جاقىنىڭىزعا كۇننىڭ قالاي وتكەنىن بايانداپ بەرىڭىز. ءبىراق بارلىعىن كەرىسىنشە رەتپەن ايتىڭىز. ۇيقىدان تۇرا سالا قانداي ويمەن ويانعانىڭىز ەسىڭىزدە مە؟ بۇگىنگى وبرازىڭىزدى قالاي تاڭدادىڭىز، تاڭعى اسقا نە جەدىڭىز؟ ەگەر بارلىعىن وپ- وڭاي ەسكە ءتۇسىرىپ جاتساڭىز، بۇل جاتتىعۋدى ەكى كۇندىك، ءبىر اپتالىق جاعدايدا ورىنداپ كورىڭىز، ياعني تۋرا ءبىر اپتا بۇرىن نە كيگەنىڭىزدى، كىمدى كورگەنىڭىزدى، نە دەگەنىڭىزدى ەسكە تۇسىرە الاسىز با؟

وسى جاتتىعۋلاردى جۇبايىڭىزبەن، بالالارىڭىزبەن بىرگە وتىرىپ ورىنداساڭىز تىپتەن كەرەمەت، ميدى تىنىقتىرىپ، ەستە ساقتاۋ قابىلەتىن ارتتىرىپ قانا قويماي، وتباسىلىق قارىم- قاتىناستى جەتىلدىرە تۇسەسىز.

قاينار: قازاقىستان تورابى | رەداكتور: اراي | كورىلىم : 193 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز