اڭگىمە: «اقشامەن ايىرباستالعان ماحاببات» 2-ءبولىم - كەرۋەن تورابى

اڭگىمە: «اقشامەن ايىرباستالعان ماحاببات» 2-ءبولىم

2-ءبولىم

ەرالى ءوزىنىڭ ايالانىڭ سۇيەم دەپ بەرگەن جالعان ۋادەسىنە سەنىپ وتكىزگەن سونشا جىلىنا اشىندى، قايتا اينالىپ كەلەر دەپ كوپ كۇتتى، جۇرەك قۇرعىر تىنىم تاپپاي ىزدەسەدە، ايالاعا ويلاناتىن ۋاقىت بەردىم دەپ ءجۇردى، الايدا ايالا بولسا ءبىر كۇنى اياق استىنان اسقا تابەتى تارتپاي قاتتى اۋىردى، ءوزىنىڭ جايسىزدانعانىن سەزىنىپ ەمحاناعا كورىنىپ ەدى، ەرالىدان ايىرىلسادا، بويىندا ەرالىنىڭ ءبىر تامشى قانى قالعانىن سوندا ءبىراق ءبىلدى. اناسىنا قايتا جالىنىپ ەرالىمەن جاراسۋىنا قوسىلۋىن ايتتى، ءبىراق قاتىگەز انا مۇلدەم قوسىلماعانىمەن قويماي، ەرالىنىڭ ءۇيى سونشا قۋانىشپەن تىلەۋ تىلەپ تاققان جۇزىگىن ايالادان تارتىپ الىپ، ەرالىنىڭ ۇينە قايتارىپ اپارىپ تاستادى. ەرالىنىڭ جۇرەگىن ەڭ جارالاعانى دا مىنە وسى بولدى، ول ەندى ءبىر جولاتا ايالادان كۇدەرىن ءۇزىپ، حاتتا جازباي، تەلەفون دا شالماي، ەش حابارسىز جاتتى.

ال ايالا اناسىنا جىلاپ جالىنۋمەن بولىپ، ەرالىنىڭ كوڭىل كۇيىمەن دە ساناسپادى. -تاتەم اۋ، ەرالى ماعان باقىتتى ءومىر سيلايمىن، تاتەڭدى دە قولىما الىپ، ءوز شەشەمدەي قارايمىن دەگەن ەدى. سونشا جىل اكەسىز ءومىر سۇرسەمدە، ەرالىمەن بىرگە بولعان وسى جىلداردا ماعان اكەمدەي مەيىر باعىشتاپ عانا قالماي، ءۇيىمىزدىڭ توبەسىنە جازدا لاي جايىپ، قىستا قارىن كۇرەپ، ۇلىڭىزداي بولىپ، ايتتىق مالىمىزعا دەيىن بەرىپ كەلدى. ەلدىڭ سوزىنە ەرىپ نە ءۇشىن باعىمدى بايلايسىڭ تاتە دەپ ەگىلىپ جىلادى. الايدا العانى جۇمىرىنا جۇقتا بولماعان قاتىگەز انا مۇلدەم قوسىلمايتىنىن عانا ايتا بەردى.

-وسىدان قۇتىلۋ سەنىڭ ومىرىڭدەگى ەڭ قۋانىشىڭ بولاتىن بولادى، ءبىر تاماشا وت باسى تاربيەسى بولماعان اداممەن ءبىر ءومىرىڭدى قالاي وتكىزبەكسىڭ، مەنى انام دەسەڭ، ونى ۇمىتىپ، جاڭا ءومىرىڭدى باستا دەپ قولىن ءبىراق سەرمەدى.

وكسىك اتىپ از ءۇنسىز وتىرعان ايالا اقىرىن عانا، بايىپپەن- جوق تاتە، مەنىڭ بويىمدا ونىڭ ءومىرىنىڭ جالعاسى بار، مەن ونداي قاتىگەزدىك قىلا المايمىن دەدى، بۇنى ەستىگەن اناسى جىلان جۇتقانداي بوپ، وتىرا كەتتى دە، ەل جۇرتتىڭ الدىندا نە بەتىمىزدى ايتتىق دەپ ءوز- ءوزىن جۇلىپ سابالاي جونەلدى. مىناۋ قاتىگەز تاعدىردا اكەسىنەن جاستاي جەتىم قالىپ اناسى ماڭدايىنان قاقپاي الاقانىنا سالىپ وسىرگەن ايالا اناسىنىڭ مىنا قايعىرعان بەينەسىن كورىپ كوكىرەگى قارىس ايىرىلدى، جۇرەلەپ وتىرا كەتكەن اناسىن قولتىعىنان دەمەپ تۇرعىزىپ قۇشاعىنا باسىن قويىپ ۇزاق جىلادى. -وزىنە دە بىلدىرمەي، وزگەگەدە بىلدىرمەي دەرەۋ تۇسىرتەيىك، اعا العانشا، جەڭگە جەگەنشە دەگەن، ەشكىم دە بىلمەسىن، تەك ولگەنشە ەكەۋىمىزدىڭ عانا ىشىمىزدەگى قۇپيالىق بولسىن دەپ اناسى ماڭدايىنان يىسكەدى. تاعدىر ءوزىن وسىنداي ويىنشىق قىلعانعا راسىندا ۇمىتىسزدەنگەن ايالا، امال جوق كوز جاسى بەتىن جۋىپ تۇرىپ باسىن يزەي بەردى. ءدال سول ساتتە ەرالىنى ەمەس، قايتا اعا- جەڭگە الدىنداعى وزىمەن اناسىنىڭ ابىرويىن عانا ويلاعان ەدى. الايدا ەرالىعا قىلعان وسى قاتىگەزدىگىنە الداعى ومىرىندە بوداۋ بەرەرىن ەشقاشان ويلاپ كورمەگەن- دى. ءدال سول كىناسىز جان يەسىن ومىردەن ايىرعان كۇنى، ءوزىنىڭ شاتتىعى مەن قۋانىشىن دا بىرگە جەرلەگەنىن سەزبەيدە قالدى…

1- ءبولىم

جالعاسى كەلەر ساندا، نازارلارىڭىز تەكشەمىزدە بولسىن

قاينار: كەرۋەن تورابى | رەداكتور: اراي | كورىلىم : 271 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز