كىتاپ وقۋ تەحنيكاسى: كىتاپتان ەڭ پايدالى نارسەنى الۋ نەمەسە كىتاپ وقۋ مەن كىتاپتى دۇرىس وقۋدىڭ اراجىگى - كەرۋەن تورابى

كىتاپ وقۋ تەحنيكاسى: كىتاپتان ەڭ پايدالى نارسەنى الۋ نەمەسە كىتاپ وقۋ مەن كىتاپتى دۇرىس وقۋدىڭ اراجىگى

كىتاپ وقۋ– جان ازىعى. گيپپوكرات «مەن نە جەسەم، سولمىن» دەگەندەي ادام نە وقىسا، سونى سىڭىرەدى. وقىپ جۇرگەن كىتابىڭىز قانداي، وقىلعان كىتاپتار سانى، ودان العان ءبىلىمىڭىز ساي كەلە مە، سونى ەسكەرۋ كەرەك. ەندەشە سايتىمىز كىتاپ وقۋ تەحنيكاسى مەن ودان ينسايت الۋ ادىستەرىمەن بولىسەدى.

رەكۆيزيتتەر

كىتاپ وقۋعا ارنايى ۋاقىت ارناڭىز. ەگەر كىتاپ وقۋعا ۋاقىت ارنالماسا، وندا جۇيەلىلىك بولمايدى. ول ءۇشىن سىزگە كۇنتىزبە كەرەك. كەلەسى رەكۆيزيت– ماركەر. ماركەر ارقىلى كىتاپتاعى ەڭ ماڭىزدى نارسەلەردى بەلگىلەپ، ءوزىڭىز تۇيگەن ماعلۇماتتى بوياپ قويىڭىز. وسى كەزدە ەستە قالادى. كەلەسىسى– بەتبەلگىلەر. بەتبەلگىلەردىڭ بىرنەشە ءتۇرىن العانىڭىز ءجون.

التى ەلەمەنت

كىتاپ وقۋ ۇدەرىسى اس قورىتۋ ۇدەرىسى سياقتى بولۋ كەرەك. استى سىڭىرگەندە التى ەلەمەنتتى سىڭىرگەن سياقتى كىتاپ وقۋ پروتسەسىن دە التى ەلەمەنت رەتىندە قاراستىرامىز.

ءبىرىنشى ەلەمەنت– لايفحاك، ادىس-تاسىلدەر، ومىردە كەزدەسەتىن قۇرالدار مەن كەڭەستەر. وسى ەلەمەنتتەردى ماركەرمەن سىزا وتىرىپ، جوعارىدا اتالعان قىزىل بەتبەلگىلەرمەن بەلگىلەڭىز. بەتبەلگىنى كىتاپتىڭ جوعارى بەتىنە ەمەس، استىنا جابىستىرىڭىز.

ەكىنشى ەلەمەنت– ىنتالاندىراتىن نارسەلەر، موتيۆاتسيا، تولعاندىرعان سۇراقتار نە جاۋاپتار. بۇل ەلەمەنتتى قىزعىلت بەتبەلگىمەن بەلگىلەڭىز. ال ولاردى كىتاپتىڭ جوعارعى بولىگىنە جابىستىرامىز.

ءۇشىنشى ەلەمەنت– وقۋعا قىزىقتى بولعان بەتتەر، كىتاپتى تەزىرەك وقۋعا ىنتالاندىرىپ، ءلاززات اكەلگەن تۇستار، ەستە ساقتاۋعا بولاتىن جاعدايلار، ينتريگا بارىسى. بۇلاردى سارى بەتبەلگىمەن كىتاپتىڭ شەتىنە بەلگىلەڭىز.

ءتورتىنشى ەلەمەنت– انەكدوتتار، كۇلكىلى جاعدايلار، ساتيرالى تسيتاتالار، يرونيا، ءازىل-سىقاق اڭگىمەلەر. ولاردى جاسىل بەتبەلگىمەن بەلگىلەڭىز. بۇنداي تيپتەگى اقپاراتتار ەرۋديتسيانى ارتتىرادى.

بەسىنشى ەلەمەنت– سىلتەمەلەر، ساندىق مالىمەتتەر، فاكتىلەر، ستاتيستيكا، تاريح، ت. ب. ونداي اقپاراتتاردى كوك بەتبەلگىمەن بەلگىلەڭىز. ونداي مالىمەتتەر ەستە قالمايدى، سوندىقتان وسى مالىمەتتەر كەرەك بولعان جاعدايدا كىتاپتى پاراقتاماي، وپ-وڭاي تابا الاسىز.

ال كىتاپتىڭ بەلگىلەنبەگەن جەرى– ول التىنشا ەلەمەنت. اس قورىتۋ جۇيەسىنىڭ مىسالىنداعىداي، قالعان بولىگى– سۋ.

ەنگىزۋ قوسىمشاسى

قىزىل بەتبەلگىمەن بەلگىلەنگەن مالىمەتتەردىTrello قوسىمشاسىنا ەنگىزىڭىز. كىتاپتان العان نارسەنى پراكتيكادا قولدانۋعا كومەكتەسەدى. وسىعان ەنگىزە وتىرىپ، ەسكە سالاتىن ۋاقىتىن بەلگىلەپ قويا الاسىز. قاي كەزگە دەيىن قولدانامىن دەگەن سياقتى جوسپار قۇرساڭىز دا بولادى.

قىزعىلت بەتبەلگىلەرمەن تۇرعان مالىمەتتەردىNotes بولىمىنە سالىپ قويىڭىز. سونداعى پىكىرلەردى وقىپ تۇرىڭىز.

ال قالعان مالىمەتتەر كىتاپ بەتىندە قالادى.

مەرزىم

كىتاپتى وقىپ باستار الدىندا مىندەتتى تۇردە ەڭ العاشقى بەتكە وقىپ باستاعان كۇنىن جازىڭىز. كەيىن كىتاپتى وقىپ شىققان سوڭ قىپ بولعان كۇنىن ەڭ ارتىنا جازاسىز. وسى ارقىلى سىزگە ءبىر كىتاپتى وقۋعا قانشا ۋاقىت كەتەتىنىن جانە ۋاقىت وتكەن سايىن كىتاپتى وقۋدى تەزدەتكەنىڭىزدى بايقايسىز.

وقىلعان كىتابىڭىز تەك سول ساتتە ميىڭىزدا قالىپ قويعانى كەرەك ەمەس. كىتاپتى وقۋداعى ماقسات– ويلاۋ قابىلەتىن جاقسارتۋ، ونى ومىردە پايدالانا الۋ. سول سەبەپتى كىتاپتىڭ ەڭ ماڭىزدىسىن، ەڭ پايدالىسىن وسى ءادىس بويىنشا ءسىڭىرىڭىز!

دايىنداعان: قىرمىزى سكەنديروۆا

قاينار: يىنتەرنەتتەن | رەداكتور: ايگەرىم | كورىلىم : 488 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز