جەتىستىككە جەتۋدىڭ 5 قۇپياسى - كەرۋەن تورابى

جەتىستىككە جەتۋدىڭ 5 قۇپياسى

جەتىستىككە جەتۋدىڭ نەگىزگى 5 قۇپياسى بار.  ولار قانداي دەيسىز عوي؟ ەندەشە مۇقيات نازار اۋدارىڭىز!

ءبىزدىڭ جەتىستىككە جەتۋگە مۇمكىندىگىمىز مول. ىس-ارەكەتكە كەلگەندە، جەتىستىككە جەتكەن ادامنان قاراپايىم ادامنىڭ قانداي ايىرماشىلىعى بار؟ ماقساتتىڭ ايقىن بولماۋى،  اسىرا سىلتەۋ، ماقتانشاقتىق. بويىڭىزدان وسى قاسيەتتەردى جويساڭىز، ءسىز دە تابىستى ادامدار قاتارىنان تابىلاسىز.

1. بايلانىس

جەتىستىككە جەتۋدىڭ ەڭ باستى قۇپياسى– ءوزىڭنىڭ جەكە ءومىرىڭدى ورتاعا سالماۋ. كاسىبي تۇرعىدان ءسىزدىڭ قىزمەتىڭىز بەن جەكە ءومىرىڭىزدىڭ اراسىندا تەپە-تەڭدىك ورىن الۋى ءتيىس. ۇجىمداس-ارىپتەستەرىڭىزبەن ارالارىڭىزداعى قارىم-قاتىناس بەلگىلى ءبىر شەكارادان اسپاۋى كەرەك. جەكە ءومىرىڭىز بەن ىشكى الەمىڭىزگە بوگدە ادامداردىڭ ەنۋىنە جول بەرمەڭىز. ويتكەنى ءسىزدىڭ ارتىقشىلىقتارىڭىز بەن كەمشىلىكتەرىڭىزدى، وسال دا ءالسىز تۇستارىڭىزدى بىلگەن جاندار بولسا، ءدال سول قاسيەتىڭىزدى وزىڭىزگە قارسى قارۋ قىلۋى بەك مۇمكىن.

2. جاڭا جوبا

جەتىستىككە جەتكەن ادام جاڭا جوباسىن جاريا قىلماۋدى ءجون كورەدى. مەيلى ول وتباسىنداعى نەمەسە جۇمىسىنداعى باستاما بولسىن. وسىنى ەستە ساقتاڭىز! ەگەر جوباڭىز ىسكە اسپاي قالسا، ءسىز جۇرت الدىندا وتىرىكشى نەمەسە اقىماق ادام بولىپ قالاسىز. ءوزىڭىزدىڭ تىڭ يدەياڭىزدى وزگەلەرگە جاريا ەتكەن كەزدە، ولار ونى ءوز باس پايداسىنا قولدانۋى مۇمكىن.

3. كەدەرگىلەر

جەتىستىككە جەتۋدىڭ تاعى ءبىر قۇپياسى– كەدەرگىلەردەن مويىماۋ.  ءوز ءىسىڭىزدى، ويىڭىزدى، جوباڭىز بەن كەدەرگىلەرىڭىزدى ەشكىمگە ايتپاڭىز. سەبەبى، بۇل باسەكەلەسىڭىزدىڭ قولىنا ءوزىڭىزدى ولتىرۋگە نايزا بەرىپ قويعانمەن تەڭ. بىزگە كەدەرگىلەر قورقىنىشتى ءارى قيىن بولىپ كورىنەدى. نەگىزىندە مۇلدەم ولاي ەمەس. اقىلمەن، ويمەن بۇل ساتىدان دا جەڭىل وتۋگە بولادى.

4. جاڭا يدەيا

جەتىستىككە جەتكەن ادامدار جاڭا يدەيانى وزدەرى ويلاپ تابادى. ءتىپتى، يدەيا ءوز باستاماسىن الىپ، ءسىزدىڭ ەسەپشوتىڭىزدى ميلليوندارمەن تولتىرسا دا، ونىڭ ناقتى جوباعا اينالۋى ءۇشىن ۋاقىت كەرەك. ءسىزدى اياقتان شالۋعا دايىن تۇرار باسەكەلەستەرىڭىزدىڭ بار ەكەنىن ەستەن شىعارماڭىز. سول ءۇشىن جاڭا يدەياڭىز ءوز باستاۋىن العانعا دەيىن ەشكىمگە جاق اشپاعانىڭىز دۇرىس.

5. سويلەسۋ

ىسكەرلىك كەزدەسۋ نەمەسە جەكە كەزدەسۋ بارىسىندا تابىستى ادامدار وزدەرىن قاراپايىم ءارى ءتاڭ دارەجەدە ۇستايدى. سونىمەن قاتار ءوزىنىڭ جەتىستىكتەرى مەن مۇمكىندىكتەرى تۋرالى ايتۋ  –  دورەكى كورىنەدى. جەتىستىككە جەتۋدىڭ ەڭ باستى قۇپياسى– كەزدەسكەن ادامداردى سيلاۋ. مەيلى ول دۇكەن ساتۋشىسى نەمەسە مەكەمە باسشىسى بولسىن ەڭ باستىسى سيلاستىق ورناتىڭىز.

قاينار: يىنتەرنەتتەن | رەداكتور: ايگەرىم | كورىلىم : 446 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز