مارك تسۋكەربەرگتىڭ شابىتتاندىراتىن سوزدەرى نەمەسە مارك تسۋكەربەرگتىڭ 10 قاعيداسى - كەرۋەن تورابى

مارك تسۋكەربەرگتىڭ شابىتتاندىراتىن سوزدەرى نەمەسە مارك تسۋكەربەرگتىڭ 10 قاعيداسى

مارك تسۋكەربەرگتىڭ ەسىمىن ەستىمەگەن ادام كەمدە-كەم شىعار. مارك تسۋكەربەرگ– امەريكاندىق پروگرامميست. ول 20 جاسىندا عالامدى جاۋلاعان«Facebook» الەۋمەتتىك جەلىسىنىڭ نەگىزىن سالۋشى ءارى دامىتۋشى. 1984- جىلى دۇنيە كەلگەن مارك تسۋكەربەرگتىڭ ەسىمى بۇگىندە ءوزى اشقان وسى جاڭالىعىنىڭ ارقاسىندا الەمدەگى ەڭ باي ادامداردىڭ وندىعىندا ەنىپ وتىر.

وزىڭە سەن

1. ادام اسقان دانىشپان نەمەسە ءتۇرلى قاسيەت پەن قابىلەتتىڭ يەسى بولىپ تۋىلۋى ءمۇمىن. ءبىراق ول وزىنە سەنبەسە، بارلىق قارىم-قابىلەتىن كادەگە جاراتا الماسا، كوپتىڭ ءبىرى بولىپ قالا بەرمەك.

سۇيىكتى ىسىڭمەن اينالىس

2. كاسىپتى ناسىپكە اينالدىرۋداعى باستى قاعيدا– قاتتى قالاپ، كوڭىل قۇلاعان ىسپەن اينالىسۋ. مىسالى، مەن تەك ءوزىم اينالىسقىم كەلەتىن ىسكە بارىمدى سالدىم، تىنباي ەڭبەك ەتتىم. ميدىڭ كۇشىنە سەندىم.

سۇرانىستى انىقتاۋ ءۇشىن سۇراق قوي

3. ادامدارعا سۇراق قويۋ– ولار تۋرالى نە بىلگىمىز كەلەتىنى ءۇشىن ەمەس، كەرىسىنشە، نە جايىندا بىلگىسى كەلەتىنىنىن انىقتاۋعا ارنالعان ءادىس.

ءومىردى قيىنداتپا

4. ەگەر ادام– ءبىلىمى مەن اقىلىن، جالپى ميدىڭ كۇشىن باسقا دا بولمايتىن ويلارعا ەمەس، تەك ناتيجە بەرەتىن ىستەرگە جۇمساسا، ونىڭ ومىرىندە قيىندىق از كەزدەسەر ەدى.  سوندا ومىرىندە اۋىر ويلار تۋعىزاتىن دۇنيەلەر مۇلدەم بولماۋى دا مۇمكىن.

«Facebook» نە ءۇشىن قۇرىلدى؟

5. «Facebook» كومپانيا بولۋ ءۇشىن قۇرىلعان جوق.

«Facebook»– الەۋمەتتىك ميسسيانى ياعني جەلى ارقىلى الەمدى بىر-بىرىمەن ەشقانداي كەدەرگىسىز، اشىق تۇردە بايلانىس ورناتۋ ءۇشىن جاسالدى.

جارىستان قالما

6. عاسىر سايىن بۇقارالىق اقپارات قۇرالدارى وزگەرىپ وتىرادى. قازىر ۋاقىت– ادامدارمەن جەلى ارقىلى اقپارات الماساتىن كەزەڭ. ينتەرنەت جارنامانىڭ جاھاندى جاۋلاپ، ناعىز جارىسقا تۇسەتىن زامان.

ءبىلىم ال

7. «Facebook» مەن ءۇشىن ۇلكەن ساباق بولدى. جاڭالىق اشىپ، دۇنيە ءجۇزىن مويىنداتا العانىم جانە وتە كوپ تابىسقا ءوز ەڭبەگىممەن جەتكەنىم ءۇشىن باقىتتىمىن. ءبىراق كوللەدجدى اياقتاماعانىما وكىنەمىن. سەبەبى ءبىلىم الۋ ارقىلى ىشكى الەمىڭىزدى اشاسىز. جان سارايىڭىزدى بايىتاسىز.

دوستاردان قول ۇزبە

8. الەۋمەتتىك جەلىلەر– ۆيرتۋالدى دوستاسۋ عانا ەمەس، سول دوستىقتى شىنايى تۇردە جالعاستىرۋ ءۇشىن قاجەت.

مىندەتىڭىزدى انىقتاڭىز

9. مىندەت قۇرعان سوڭ عانا بيزنەس باستاڭىز. بۇل تۇجىرىمدامالار ەگىزدەر سەكىلدى قاتار جۇرەدى. ءبىر-بىرىنەن اجىراتساڭىز، شاتاساسىز. كەيىن ارمانىڭىزدان قالاي اداسىپ قالعانىڭىزدى بىلمەي قالاسىز.

ەڭ ماڭىزدى نارسە نە؟

10. «مەن كۇن سايىن وزىمە نەگىزگى ءبىر سۇراق قويامىن: «مەن مۇمكىن بولاتىن ەڭ ماڭىزدى نارسەنى ىستەپ جاتىرمىن با؟» دەگەن. ەگەر ماسەلەردى شەشۋگە بولاتىن ماڭىزدى جايتتارمەن جۇمىس ىستەيتىنىمدى تۇسىنسەم، جۇمسالعان ۋاقىتىمنىڭ ءبىر مينۋتىنا دا وكىنىش ارتپايمىن».

قاينار: يىنتەرنەتتەن | رەداكتور: سارماي | كورىلىم : 108 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز