كىتاپتار: سىني جانە شىعارماشىلىق ويلاۋدى قالاي دامىتۋعا بولادى؟ نەمەسە سىني ويلاۋدى دامىتاتىن كىتاپتار ءتىزىمى - كەرۋەن تورابى

كىتاپتار: سىني جانە شىعارماشىلىق ويلاۋدى قالاي دامىتۋعا بولادى؟ نەمەسە سىني ويلاۋدى دامىتاتىن كىتاپتار ءتىزىمى

كىتاپتار ادامعا سۋ، تاعام، اۋا سەكىلدى قاجەت. سەبەبى تاماقتانۋ ارقىلى ادامدار فيزيكالىق تۇرعىدان ءال جيناسا، كىتاپ رۋحاني بايىتادى. ال شىعارماشىل ادامدار ءۇشىن كىتاپتاردىڭ ماڭىزى زور. سىني ويلاۋ كەز كەلگەنىمىز ءۇشىن كەرەك قابىلەتتەردىڭ ءبىرى ەكەنى بەلگىلى. سايتىمىز سىني جانە شىعارماشىلىق ويلاۋدى دامىتاتىن كىتاپتار ءتىزىمىن نازارىڭىزعا ۇسىنادى.

مايكل ميكالكو، «ويشىل: شىعارماشىلىق ويلانۋدىڭ ادىستەر انىقتاماسى»

يدەيالار اۋادا «قالىقتاپ» جۇرەتىنى ءسوزسىز. ءبىراق مۇنداي يدەيالاردى قالاي ۇستاي الامىز؟ سىني ويلاۋ سالاسىنىڭ مامانى مايكل ميكالكو ءوزىنىڭ كىتابىندا كەرەمەت يدەيا ويلاپ تابۋدىڭ قىر-سىرىن ايتادى.

جۇزگە جۋىق قىزىقتى جاتتىعۋلار، جۇمباقتار مەن باس قاتىرعىشتار بيزنەسىڭىزگە كومەكتەسەتىن جاڭا يدەيانى تابۋعا كومەكتەسەدى. ال تاريحتاعى الەمدى وزگەرتكەن جوبالاردى مىسالعا كەلتىرە وتىرىپ، اۆتور ءوزى ۇسىنعان ءادىس-تاسىلدەردى پايدالانۋدى ۇيرەتەدى.

وستين كلەون، «سۋرەتشى سەكىلدى ۇرلا»

دانىشپان بولۋدىڭ قاجەتى جوق. وزىڭىزبەن- ءوزىڭىز بولىڭىز. وستين كلەون ۇسىنعان باستى يدەيا وسى. جاس جازۋشى ءارى سۋرەتشىنىڭ ويىنشا، شىعارماشىلىق بارلىعىمىزدىڭ بويىمىزدا بار. بۇل كىتاپتا اۆتور سىني ويلاۋعا قاتىستى 10 كەڭەس بەرەدى.

ادامداردىڭ باستى كەرەمەت كەمشىلىگى– يدەالدى كوشىرمە جاساي الماۋىندا. ءوزىمىز ارماندايتىن باتىرلار مەن يدەالداردى كوشىرە الماۋدىڭ ارقاسىندا، ءبىز ءوز ومىرىمىزگە يە بولامىز. ءبىزدىڭ يەۆوليۋتسيا دا وسىدان قۇرالعان.

مارك ليەۆي «كەزدەيسوق دانىشپان»

ماسەلەنىڭ شەشىمىن تابۋ ءۇشىن نە كەرەك؟ ءداستۇرلى ادىستەر كومەگىن تيگىزبەسە شە؟ بىزگە نە قاجەت؟ مارك ليەۆي وسى سەكىلدى سۇراقتاردىڭ جاۋابىن بەرىپ، كەرەمەت يدەيا جاساۋدىڭ ءتيىمدى ءادىسىن– فريرايتينگتى ۇسىنادى.

اۆتور بۇل ءادىستى بىرنەشە جىل قولدانىپ كورگەن. وسى ارقىلى ماقالا مەن كىتاپتار جازىپ، بيزنەستەگى ماسەلەلەردى دە شەشكەن. مارك ليەۆي فريرايتينگتىڭ نەگىزگى 6 قۇپياسىن ايتىپ، 15 قاعيداسى جايلى ءسوز قوزعايدى. بۇلار ءسىزدىڭ بويىڭىزدا سىني ويلاۋ قابىلەتىن دامىتۋعا كومەكتەسەدى.

مايكل ميكالكو «كرەاتيۆتى سىندىرۋ»

ءبىزدىڭ ومىرىمىزدەگى كەي ماسەلەلەر ەرەكشە شەشىمدى قاجەت ەتەدى. بۇل كىتابىندا مايكل ميكالكو تاريحتاعى بەلگىلى سىني ويلاۋ ماماندارىنىڭ قۇپياسى مەن ستراتەگياسىن زەرتتەپ، ونى قاراپايىم ومىردە قولدانۋدىڭ تاسىلدەرىن ايتادى.

دميتري چەرنىشيەۆ «ادامدار قالاي ويلايدى»

الەم ەرەكشە ويلاپ، ەرەكشە ارەكەت ەتەتىندەردىڭ ارقاسىندا العا جىلجيدى. دميتري چەرنىشيەۆتىڭ ويىنشا، ءاربىر ويلانۋ– شىعارماشىلىقپەن تەڭ. الايدا ادامدار ميىن تولىق «جۇمىس ىستەتكىسى» كەلمەيدى.

بۇل كىتاپ ويلاۋ جۇيەڭىزدى كۇشەيتىپ، ميدى «تولىق باسقارۋعا» كومەكتەسەدى. اۆتور ءوز ەڭبەگىندە ءار ءتۇرلى فاكتىلەر مەن دەرەكتەردى، تاريحي وقيعالار، جۇمباقتار مەن باس قاتىرعىشتاردى ۇسىنعان.

قاينار: يىنتەرنەتتەن | رەداكتور: سارماي | كورىلىم : 167 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز