كاسىپ جۇرگىزۋدى ۇيرەتەتىن 6 كينو - كەرۋەن تورابى

كاسىپ جۇرگىزۋدى ۇيرەتەتىن 6 كينو

كاسىپ باستاماس بۇرىن كەز كەلگەن ادام سالانى زەرتتەپ، تالداۋ جۇرگىزىپ، بيزنەس جايلى كىتاپ وقىپ، ترەنينگكە قاتىسادى. بۇل قاتارعا بيزنەس جۇرگىزۋ جولىن ۇيرەتەتىن كينو تىزىمىن قوسامىز.

Mad Men (ەسسىزدەر)

ەلى: اقش، 2007- جىل

جانرى: دراما

ۇزاقتىعى: 92 سەريا

سەريالدىڭ باستى كەيىپكەرى – دون درەيپەر. اقش-تاعى «ستەرلينگ كۋپەر» اگەنتتىگىندە جارناما بويىنشا جۇمىس ىستەيدى. دون ونىمدى ۇسىنۋدى، ادامنىڭ ەموتسياسىمەن ويناپ ساتۋ جولىن ۇيرەتەدى. سونىمەن قاتار دوننىڭ ارىپتەستەرىنىڭ دە ءونىمدى ساتۋ جولىنداعى قىزىقتى وقيعالارى باياندالادى. كاسىبىڭىزدىڭ ءونىمىن قالاي ساتىپ باستايمىن دەگەن وي مازالاسا، كينونى مىندەتتى تۇردە قاراڭىز.

Six Feet Under (كليەنت اردايىم ولى)

ەلى: اقش، 2005- جىل

جانرى: دراما

ۇزاقتىعى: 63 سەريا

فيشەر – بەلگىلى كاسىپكەر. قايعىلىعى وقيعادان كوز جۇمادى. وتباسىلىق كاسىپتى ۇلدارى جالعاستىرۋى كەرەك. بۇعان دەيىن تاتۋ بولماعان اعايىندىلاردىڭ قارىم-قاتىناسى وسى جاعدايدان كەيىن ءتىپتى شيەلەنىسەدى. فيشەردىڭ بيزنەسىن جويۋعا تىرىسقان كومپانيالار دا پايدا بولادى. كاسىپتى قايتا اياققا تۇرعىزا الادى ما الدە قۇردىمعا كەتەدى مە؟ سۇراعاڭىزعا جاۋاپ الۋ ءۇشىن مىندەتتى تۇردە كينونى كورىڭىز.

How to Make It in America (امەريكادا قالاي جەتىستىككە جەتۋگە بولادى)

ەلى: اقش، 2010- جىل

جانرى: كومەديا، دراما

ۇزاقتىعى: 16 سەريا

كەم جانە بەن – ديزاين، سان الەمىنە قىزىعاتىن ادامدار. كاسىبىن باستاۋعا جانە جەكە كيىم برەندىن شىعارۋعا شەشىم قابىلدايدى. قاراجاتتى زاڭسىز جولمەن تاباتىن كەمنىڭ نەمەرە اعاسى رەننەن الادى. بۇل ىستەرى كاسىبىنە كەدەرگى بولادى ما؟ دوستاردىڭ ءبىر- بىرىنە دەگەن ادالدىعى قالاي ءوربيدى؟

Billions (ميللياردتار)

ەلى: اقش، 2016- جىل

جانرى: دراما

ۇزاقتىعى: 55 سەريا

ميللياردەر بوببي اكسەلرود پەن پروكۋرور چاك روادس اراسىنداعى قاقتىعىس. پروكۋرور چاك روادس بوببيدىڭ قارجى كومپانياسى زاڭسىز ىسپەن اينالىسادى جانە ول ميللياردتاعان قاراجاتتى ادال جولمەن تاپپايدى دەپ ايىپ تاعادى. ادىلدىك الدە اقشا؟ شىتىرمان وقيعاعا تولى كينو كەز كەلگەن ادامدى بەيجاي قالدىرمايتىنى انىق.

Start-Up (ستارتاپ)

ەلى: رەسەي، 2014- جىل

جانرى: دراما

ۇزاقتىعى: 92 مينۋت

كينونىڭ ءۇش باس كەيىپكەرى – ءبىر- بىرىنە مۇلدەم ۇقسامايتىن ادامدار. نيك – اكەسىنىڭ كومپانياسىندا جۇمىس ىستەيتىن قارجىگەر. يززي – باعدارلاماشى (پروگرامميست). ال رونالد – جەرگىلىكتى بانديتتەر توبىنىڭ باسشىسى. يززي ءوزىنىڭ جوباسى ءۇشىن اقشا ىزدەيدى جانە ونى نيكتەن الادى. كەيىن ولارعا رونالد قوسىلادى. قىلمىستىق ومىردەن الشاقتاپ، وتباسىنىڭ بولاشاعى جارقىن بولعانىن قالايدى.

Halt and Catch Fire (توقتا جانە كۇيدىر)

ەلى: اقش، 2014- جىل

جانرى: دراما

ۇزاقتىعى: 44 سەريا

80- جىلداعى كومپيۋتەر يندۋسترياسىنىڭ قالىپتاسۋى جايلى تۋىندى. دجو ماكميلاننىڭ ويىنا كومپيۋتەر قۇرىپ، كاسىپ باستاۋ يدەياسى كەلەدى. ول جاڭادان قۇرعان كومپانياسىنا ءوزىن تۇسىنەتىن، يدەياسىن جۇزەگە اسىراتىن ادامداردى ىزدەيدى. كوپ ۋاقىت وتپەي ءوز ءىسىنىڭ ناعىز ماماندارىن كەزدەستىرەدى. ارىپتەستەرى تىنىمسىز ەڭبەك ەتەدى. دجو جانە ونىڭ سەرىكتەستەرىIT سالاسىنىڭ ۇزدىك ماماندارىنا اينالا الادى ما؟

قاينار: قازاقىستان تورابى | رەداكتور: اراي | كورىلىم : 310 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز