Google Analytics سايتىڭىزدى باقىلاۋعا، دامىتۋعا كومەكتەسەدى - كەرۋەن تورابى

Google Analytics سايتىڭىزدى باقىلاۋعا، دامىتۋعا كومەكتەسەدى

Google Analytics  Google اقىسىز نەگىزدە ۇسىناتىن ۆەب-اناليتيكا باعدارلاماسى. بۇگىنگى تاڭدا كومپانيالاردىڭ بارلىعى ونلاين رەجيمدە جۇمىس ىستەۋگە كوشكەن. سوندىقتان ءارقايسىنىڭ جەكە ۆەب-سايتى بار. ەلەكتروندىق كوممەرتسيا نەگىزىندەگى سايت بولسىن نە اقپاراتتىق بلوگ بولسىن ۆەب-سايتتى باقىلاۋ جانە دامىتۋ ماڭىزدى.

دينەش تاحۋرGoogle جانەBing اگەنتتىگىنىڭ سەرىكتەسىAds Triangle جارنامالىق كومپانياسىنىڭ تەڭ قۇرىلتايشىسى. ساندىق ماركەتينگ بويىنشا تاحۋردىڭ 10 جىلدان اساتىن مول تاجىريبەسى بار. سايتىمىز دينەش تاحۋردىڭ «10good reasons why you should use Google Analytics» ماتەريالىن قازاقشا اۋدارىپ، وقىرمان قاۋىمعا ۇسىنادى.

تەگىن

ارزاننىڭ سورپاسى تاتىمايدى دەيمىز. ال تەگىن ىرىمشىك تەك قاقپاندا دەي وتىرا تەگىن دۇنيەنىڭ بولۋىن مۇمكىن ەمەسكە جاتقىزامىز. الايداGoogle Analytics پەن جاعداي وزگەشە. Google Analytics ءتى قولدانعانىڭىز ءۇشىنGoogle سىزدەن ءبىر تيىن دا المايدى. ارتىلعان اقشاڭىزدى باسقا رەسۋرسقا ينۆەستيتسيا ەتىپ قۇيساڭىز بولادى. سايتىڭىزدىڭ ونىمدىلىگىن ارتتىرۋعا كومەكتەسەتىن بار قۇندى اقپارات، ساندار، ستاتيستيكاGoogle Analytics تە اپ-ايقىن كورىنىپ تۇرادى.

اۆتوماتتى تۇردە مالىمەتتەردى جينايدى

Google Analytics تە ەسەپتىك جازبا اشاسىز دا كودىڭ قاراپايىم فراگمەنتىن سايتىڭىزعا كوشىرەسىز. ءبىتتى. ەندى ول ۆەب-سايتىڭىز بويىنشا بار اقپاراتتى تەرىپ-جيناپ، ءارتۇرلى ەسەپ-تالداۋلار دايىنداپ قويادى.

تۇتىنۋشى ەسەبىن الا الاسىز

جوعارىدا عانا اقپاراتقا ساي ەسەپتىڭ نەشە ءتۇرلىسىن الىپ، سايتتى دامىتۋ بويىنشا قورىتىندى جاساي الاسىز دەدىك. الايدا بار جاقسىلىق مۇنىمەن شەكتەلمەيدى. ءسىزGoogle ۇسىناتىن كەڭ تاڭداۋ ىشىنەن وزىڭىزگە ۇنايتىن، ىڭعايلى ەسەپ ءتۇرىن تاڭداي الاسىز.

تۇتىنۋشى ەسەبىن قۇرۋ ءۇشىن:

1- قادام: Google Analytics كە كىرەمىز.

2- قادام: باستى بەتكە كىرەمىز.

3- قادام: «باپتاۋدى» تاڭداپ، اشىلعان ءمازىردىڭ ىشىنەن «ەسەپتەر» دەگەندى تاڭدايمىز.

4- قادام: «باپتاۋلاردى» باساسىز> + جاڭا تۇتىنۋشى ەسەبى.

5- قادام: اتاۋىن قوياسىز.

6- قادام: ەسەپتىڭ ءتۇرىن تاڭداڭىز: وتكىزگىش، كارتا تۇرىندەگى جانە ت. س. س.

8- قادام: ولشەمىڭىز بەن مەتريكتى تاڭداڭىز.

9- قادام: ەسەبىڭىز قاي جەردە تۇرۋى كەرەك، شەشىپ الىڭىز.

10- قادام. وزگەرتۋلەردى ساقتاپ قويىڭىز.

قالعان پلاتفورمالار مەن قۇرالدارمەن ينتەگراتسياعا ءتۇسۋى

Google دىڭ بار سەرۆيستەرى سياقتىGoogle Analytics تە تۇسىنگەنگە، قولدانعانعا قاراپايىم ءارى جەڭىل. بۇل باعدارلامانى ۇيالى تەلەفونعا، پلانشەتكە جازىپ الۋعا بولادى. Google Play گە كىرىپ، ارنايى باعدارلاماسىن جازىپ الىڭىز.

Google Analytics سونىمەن قاتارGoogle AdWords پەن دە كەرەمەت ينتەرگراتسياعا تۇسەتىنىن بىلگەيسىز. ەكەۋىن بايلانىستىرا وتىرىپ ءسىز ەكى قۇرالدىڭ باسىن بىرىكتىرەسىز دە بىرگە جۇمىس ىستەۋلەرىنە مۇمكىندىك بەرەسىز.

سايت ىشىندە نە بولىپ جاتقانىن كورە الاسىز

سايتقا كىرگەننەن كەيىن پوتەنتسيالدى كليەنت نە ىزدەپ جاتقانىن تەك ىشكى سايت قانا كورسەتەدى. ىشكى سايتتى زەرتتەي وتىرىپ، قاي تۇستى دامىتۋ قاجەتتىگىن انىقتاي الاسىز.

سايتىڭىزعا كەلۋشىلەر نەگە تەز كەتىپ قالاتىندىقتارىن بىلەسىز

سايتىڭىزدىڭ ءبىرىنشى بەتىنە كىرگەن كليەنت قانشا سەكۋندتا، مينۋتتا سايتتان شىعىپ كەتكەندىگى ەندى كورىنىپ تۇرادى. «كەتىپ قالۋشىلاردىڭ» پايىزىن، كورسەتكىشىن تومەندەتۋ ءسىزدىڭ ماقساتىڭىزعا اينالۋى كەرەك.

كوپتەگەن كومپانيالاردا كەلەتىن ترافيك كوپ. الايدا كونۆەرسياسى از. بۇل سايتقا كىرۋشىلەر كوپ بولعانىمەن، ولار قالاعانىن تاپپاي سايتتان كەتىپ قالادى دەگەن ءسوز. «كەتىپ قالۋشىلارعا» ءمان بەرىپ، سەبەبىن انىقتاۋ قاجەت.

الايداGoogle Analytics «كەتىپ قالۋشىلار» سانى ءبىرشاما بولعان كەزدە عانا ەسەبىن كورسەتەدى.

«كەتىپ قالۋشىلار» سانى كوپ بولسا، دەمەك سايتىڭىزدىڭ وپتيميزاتسياسى دۇرىس ەمەس نە ءبىرىنشى بەتىڭىز كليەنت ءۇشىن قىزىقسىز، تارتىمسىز دەگەندى بىلدىرەدى.

اۋديتورياڭىزدىڭ جاسىن، جىنىسىن، قىزىعۋشىلىعىن، قاي جەردە تۇراتىنىن، قاي قۇرىلعى ارقىلى سايتقا كىرەتىندىگىن بىلەسىز

Google Analytics كومەگىمەن اۋديتوريا سايتقا قالاي تاپ بولاتىندىعىن، قانداي كانالدار ارقىلى كەلەتىندىگىن انىقتاي الاسىز. سونىڭ ارقاسىندا قانداي كانالداردى دامىتىپ، قانداي كانالدارعا باسىمدىق بەرۋ كەرەكتىگىن شەشەسىز. ءتىپتىGoogle Analytics سىزگە كليەنت قولىندا ۇستاعان ۇيالى تەلەفون قاي برەندتىكى ەكەندىگىن ءبىلىپ وتىراسىز. كليەنتىڭىزدىڭ تۇراتىن قالاسىن بىلگەندىكتەن قاي قالادا ماركەتينگتىك ستراتەگيا جاساۋعا بولاتىندىعىن ايقىنداپ بەرەدى. ونى از دەسەڭىز، ول كليەنتتىڭ سويلەۋ ءتىلى قازاق پا الدە ورىس پا انىقتاي الاسىز.

قانداي الەۋمەتتىك پلاتفورمالارعا باعدار ۇستاۋدى انىقتايسىز

الەۋمەتتىك پلاتفورمالار– ترافيكتى كوبەيتىپ، پوتەنتسيالدى كليەنتتەردىڭ قىزىعۋشىلىعىن وياتاتىن ءادىس-امال.

مىسالى: Facebook تە ءسىزدىڭ كومپانياڭىزعا دەگەن قىزىعۋشىلىق كوپ بولسا، الTwitter دەن كەلۋشىلەر مول بولسا، بيۋدجەتىڭىز باسىم بولىگىنFacebook كە قۇياسىز. ال ودان ازىراعىنTwitter گە باعىتتايسىز.

Google Analytics كومەگىمەن سايتقا كىرگەن كليەنتتىڭ كوزى ەڭ ءبىرىنشى نەگە تۇسەتىندىگىن ءبىلىپ الاسىز. ناتيجەسىندە سونى جارنامانىڭ ورنى ەتىپ تاڭدايسىز.

كونتەنتىڭىزدى انىقتايسىز

سايتقا جاريالاناتىن بارلىق اقپارات باقىلاۋدا بولادى. ول دەگەنىمىز قاي اقپارات كوبىرەك وقىلاتىندىعىن، قاي تاقىرىپ كوبىرەك قىزىعۋشىلىق تۋدىراتىندىعىن ءبىلۋ. كليەنتكە ۇنايتىن «بلوگتاردى»، «ايدارلاردى» ودان سايىن دامىتا الاسىز.

الدىڭىزعا ماقسات قويا الاسىز

تولەم جاساعان، ەلەكتروندى كىتاپ ساتىپ العان، جۇكتەپ العان، ۇلگىنى تولتىرعان، اقپاراتتىق ماتەريالدارعا جازىلعان دەگەندەي ماقساتتاردى باقىلاپ وتىرۋعاGoogle Analytics كە تاپسىرما بەرەسىز. ءسويتىپ اي سايىن، كۇن سايىن وسىنشا ماقسات ورىندالدى ما، جوق پا، وپ-وڭاي انىقتاپ وتىرا الاسىز.

قاينار: يىنتەرنەتتەن | رەداكتور: جايلاۋ | كورىلىم : 98 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز