قولفوننىڭ شاعىلعان ەكرانىن نەلىكتەن دەرەۋ جوندەتۋ قاجەت؟ - كەرۋەن تورابى

قولفوننىڭ شاعىلعان ەكرانىن نەلىكتەن دەرەۋ جوندەتۋ قاجەت؟

سمارتفونىڭىزدىڭ ەكرانىن شاعىپ الساڭىز، دەرەۋ تۇردە جوندەتىڭىز. ءتىپتى، كىشكەنتاي عانا سىزىقتاي جارىق پايدا بولسا دا.

1. ەكران سەنسورى ىستەن شىعۋى مۇمكىن

ادەتتە سمارتفوننىڭ بەتكى پانەلى قورعانىش اينەگىنەن، سەنسورلى پانەلدەن جانە سۋرەتتى كورسەتەتىن ماتريتسادان تۇرادى. ەگەر ەكران سىنسا، 2-4 اپتانىڭ ىشىندە اينەتىك كىشكەنتاي سىنىعى تۇسە باستايدى. بۇدان ءبىرىنشى كەزەكتە سەنسورلى پانەل زارداپ شەگەدى. ۋاقىت وتە سمارتفونىڭىزدىڭ سەنسورى مۇلدەم ىستەمەي قالۋى مۇمكىن.

2. ماتريتسا زارداپ شەگەدى

اينەك شىتىناعاندا بارىنەن بۇرىن ماتريتسا زارداپ شەگەدى. اراسى تىم جاقىن بولعاندىقتان اينەك ماتريتسانى باسىپ قالۋى مۇمكىن. ەكراندى ساۋساعىڭىزبەن باسقان سايىن شىتىناعان اينەكتەر سمارتفوننىڭ ىشىنە قىسىم تۇسىرەدى.

3. ىلعال

زاماناۋي سمارتفوننىڭ باستى جاۋى-سۋ. سول سەبەپتى دە وندىرۋشىلەر قۇرىلعىنى ىلعال وتكىزبەيتىن ەتىپ جاسايدى. ال اينەك سىنعان جاعدايدا قۇرىلعىنىڭ ءىشى تەز ىلعالدانۋى مۇمكىن. بۇل ءوز كەزەگىندە سمارتفوننىڭ ىستەن شىعۋىن جىلدامداتادى.

سماترفونىڭىزدىڭ ەكرانىن شاعىپ الساڭىز، بىردەن جوندەۋگە اپارىڭىز. ايتپەگەن جاعدايدا سمارتفونىڭىز ۇزاق ۋاقىت وتپەستەن جارامسىز بولىپ قالادى. ال ونىڭ الدىن الۋ ءۇشىن قورعانىش پلەنكاسىن جاپسىرىپ، قورعانىش قاپقا سالىپ قويىڭىز.

قاينار: ماسساگەت | رەداكتور: ايگەرىم | كورىلىم : 1134 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز