كوپ رەت قايناعان شايدى ىشكەن دۇرىس پا؟ - كەرۋەن تورابى

كوپ رەت قايناعان شايدى ىشكەن دۇرىس پا؟

كەيدە ءبىر شايدى (كوبىنە قالتا شايدى) قايناتىپ بولعاننان كەيىن ونى تاستاپ نە توگە سالۋعا قيمايسىڭ. كەيدە ونى اۋىستىرىپ وتىرۋعا ۋاقىت بولماي جاتادى. مۇندايدا شايدى قايتا قايناتا سالعان دۇرىس پا؟ ال باستى ساۋال – سولاي قايتا- قايتا قايناتىلعان شايدى ىشكەن اعزاعا زيان ەمەس پە؟

ساۋالدىڭ جاۋابىن بىردەن بەرە كەتەيىك. شايدى قايتا- قايتا قايناتقاننىڭ ەش ابەستىگى جوق. الايدا ونداي شايدىڭ اعزاعا بەرەر پايداسى از بولادى.

قازىر ءىشىپ جۇرگەن شايىمىزدىڭ نەگىزگى ەكى ءتۇرى بار: ءبىرى – قالتا شاي، ەكىنشىسى – قوراپقا سالىنعان ءشوپ شاي. ءشوپ شايدى ۇزاق قايناتىپ وتىرعانشا، كوبىمىز تەز قايناتىپ ىشە سالاتىن قالتا شايدى تاڭداۋدى ءجون كورەمىز. بۇل ءبىر جاعىنان دۇرىس تا. ويتكەنى قالتا شايدىڭ بولشەكتەرى وتە ۇساق بولادى دا، ونى قايناتقان كەزدە پايدالى زاتتارى سۋعا تەز شىعادى. ال ءشوپ شايدا ءبىراز كۇتۋ كەرەك. سوندىقتان ءشوپ شايدى بىقتىرىپ بارىپ ىشكەندى ءجون كورەمىز. بۇل – دۇرىس امال. ويتكەنى بىقتىرىپ، دەمدەلگەن شايدىڭ قۇرامىندا پايدالى قوسپا كوبىرەك بولادى.

ويتكەنى شايدىڭ قۇرامىندا ەفير مايى، الكالويد، اقۋىز بەن دارۋمەن، دۋبيلدى زاتتار بار. بۇلاردىڭ كەيبىرى قايناعان سۋعا تەز ەرىپ، پايدالى قاسيەتى جىلدام شىعادى. ال كەيبىرىنە ۋاقىت كەرەك.  

وسى تۇرعىدان قاراساق، شايدى ەكى- ءۇش رەت قايناتقان دا دۇرىس. ويتكەنى الدىڭعى قايناتىمدا شىقپاي قالعان پايدالى، قۇندى قوسپالارى ەكىنشى رەت قايناتقاندا تاعى شىعۋى مۇمكىن.

ال ەكىنشى جاعىنان قاراساق، شايدى قايتا- قايتا قايناتقان سايىن پايدالى ەكستراكتسياسى ازايىپ، دامى كەتە باستايدى. بىلايشا ايتقاندا، سۋعا اينالىپ كەتەدى.

سوندىقتان شايدى ءبىرىنشى رەت قايناتقاندا، تەز ءىشىپ الماي، ءبىراز بىقتىرىپ قويعان ءجون. سودان سوڭ بارىپ ىشكەنىڭىز پايدالىراق. ال ونى قايتا قايناتۋ- قايناتپاۋ ءوز ەركىڭىزدە.

قاينار: يىنتەرنەتتەن | رەداكتور: اراي | كورىلىم : 228 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز