ۇيقىنى قاندىرۋ ءۇشىن نە ىستەۋ كەرەك؟ - كەرۋەن تورابى

ۇيقىنى قاندىرۋ ءۇشىن نە ىستەۋ كەرەك؟

كەي ادامدار جاستىققا باسى تيە سالىسىمەن ۇيقىعا كەتەدى. ەگەر ءسىز ولاردىڭ قاتارىندا بولماساڭىز، ۇيقىڭىزدى قالاي قاندىرۋعا بولادى؟ تاڭەرتەڭ ويانۋ كەيبىرەۋلەر ءۇشىن وتە قيىن. مۇنداي جاعداي بولماس ءۇشىن ۇيىقتار الدىنداعى ءبىراز ىسكە ءمان بەرۋ كەرەك ەكەن.

بۇل ماسەلەنى ەكى ادىسپەن شەشۋگە بولادى: سان جانە ساپا. ءبىرىنشى ءادىس بويىنشا ەش قيىندىق جوق. كوپ ۇيىقتاساڭىز، تاڭعى السىرەيسىز. ال ساپانى مىنا كەڭەستەرگە ءبولىپ بەرەيىك:

1. ىشىمدىككە جولاماڭىز. ىشىمدىك اعزانى جايسىزداندىرادى. سونىمەن قاتار، اعزا كوپ سۋدى قاجەت ەتەدى. شامادان كوپ سۋ ءىشۋ، ءزار شىعارۋدى ۇدەتەدى. مۇنداي جاعدايدا ادام تۇنگى ۇيقىنى ون بولەدى.

2. تەلەديدار الدىندا وتىرماڭىز. تەك تەلەديدار ەمەس، تەلەفون، پلانشەت سەكىلدى ەكرانداردان الىس بولعان ءجون. ۇيىقتار الدىندا بەتىنە قارامادىم دەگەن كۇننىڭ وزىندە 2-3 ساعات بۇرىن وزىڭىزدەن اۋلاق ۇستاڭىز. بىرىنشىدەن، ەكراننىڭ جارىعى ميدىڭ قىزمەتىن تەجەيدى ءارى ۇيقى قاندىراتىن مەلاتونين اتتى گورموننىڭ بولىنۋىنە كەدەرگى بولادى. ەكىنشىدەن، ميعا قوقىسقا تولى اقپاراتتاردى جيناپ تاستايدى. ۇيقى الدىندا ارتىق اڭگىمەنىڭ دە قاجەتى جوق.

3. ينتەرنەتتە دە وتىرماڭىز. بۇل تىيىم الدىڭعى تىيىمنىڭ ءبىر ۇشى دەسە بولادى. اتالعان قوقىستى ميعا جۇكتەيتىن وسى – ينتەرنەت.

4. جۇگى اۋىر، ماعىناسى تەرەڭ كىتاپ وقىماۋ. ەشكىم سىزگە كىتاپ وقۋعا كەدەرگى بولا المايدى، الايدا ۇيقى الدىندا تىنىشىڭىزدى الاتىن كىتاپ وقۋ ۇيقىڭىزدى بولەدى. قورقىنىشتى، شىتىرمان وقيعا جەلىسىن تۇسىڭىزدە كورۋىڭىز دە ابدەن مۇمكىن. ميعا ەڭ بولماعاندا تۇندە تىنىشتىق بەرۋگە تىرىسايىق.

5. ىستىق ۆاننا قابىلداماۋ. جاتار الدىندا ىستىق سۋعا ءتۇسۋ قاۋىپتى. ادام ۇيىقتاعاندا دەنە تەمپەراتۋراسى تومەندەيدى. دەنەڭىزدى ۇيقىعا الدىن الا دايىنداۋىڭىز كەرەك. دەنەگە ارتىق كۇش سالماس ءۇشىن ىستىق ۆاننا نەمەسە دۋش قابىلداماڭىز، ىستىق مونشاعا تۇسپەڭىز.

6. ارتىق تاماق ىشپەۋ. تويىپ تۇرعان «قارىنمەن» ۇيىقتاۋ – شەكتەن شىققاندىق. جاتار الدىندا وزىڭىزدى ەمەس، اسقازانىڭىزدى ويلاڭىز. ۇيىقتاعاندا اس قورىتۋعا جەتكىلىكتى قوزعالىس بولماعاندىقتان، اسقازان اۋىرسىنادى. تويىپ تاماق ىشپەي، تەك جەمىس-جيدەكپەن تەجەلىڭىز. بولماسا، ازداعان سالات، تاۋىق ەتى جانە جەمىس قوسىلعان از- كەم ىرىمشىكپەن اسقازانىڭىزدى قۋانتىپ قويىڭىز.

بۇل تىزىمدەردەن سىزگە ەڭ قيىنى گادجەتتەردەن الىستاۋ بولار. ءبىراق- ۇيقىم قانسىن دەسەڭىز، تاۋەكەلگە بەل بۋىپ كورىڭىز. ۇيقىڭىزدىڭ قانىق بولۋى ەرتەڭگى كۇنىڭىزدىڭ ءساتتى وتۋىنە كەپىلدىك بولتىنىن ەسىڭىزگە سالامىز.

قاينار: قازاقىستان تورابى | رەداكتور: اراي | كورىلىم : 320 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز