جاسوسپىرىمدەرگە ءبىر كۇندە قانشا گرام قانت بەرۋگە بولادى؟ - كەرۋەن تورابى

جاسوسپىرىمدەرگە ءبىر كۇندە قانشا گرام قانت بەرۋگە بولادى؟

جاسوسپىرىمدەرگە ءبىر كۇندە 25 گرام عانا ( ەڭ كوپ دەگەندە) قانت بەرۋگە بولادى ەكەن. مۇنى ءبىر شاي قاسىقپەن ەسەپتەگەندە التاۋى شىعادى.

«Circulation» باسىلىمىنىڭ جازۋى بويىنشا، 2 جاس پەن 18 جاسقا دەيىنگى جاسوسپىرىمدەر كۇنىنە 6 شاي قاسىق قانتتان كوپ پايدالانباعانى ابزال. ەگەر بالالاردىڭ بىركۇندىك قانت مولشەرى 25 گرامنان اساتىن بولسا، جۇرەك-قان تامىرلارى، سوزىلمالى جانە سەمىزدىك سەكىلدى اۋرۋلارعا تەز شالدىعۋ كورسەتكىشى جوعارىلايدى ەكەن. سونداي-اق باسىلىم ساراپشىلارى بىركۇندىك قانت مولشەرىن ءبىر شاي قاسىقپەن ولشەپ قانا قويماي، كۇندەلىكتى تۇتىناتىن سۋسىندارى مەن تاعامدارىنىڭ قۇرامىنداعى ءتاتتىنىڭ مولشەرىنە دە ءمان بەرۋگە كەڭەس بەرەدى.

ەكى جاسقا تولماعان سابيلەرگە قانت بەرۋدىڭ ءتىپتى قاجەتى جوق. قانت- ءسابيدىڭ دەنساۋلىعىنا كەرى اسەرىن تيگىزەدى. ال ەكى جاستان كەيىن دە بالانىڭ تاتتىگە ايرىقشا قۇمار بولۋىنا جول بەرمەۋ كەرەك ەكەن.

ايتا كەتەيىك، جاقىندا نيۋكاسل ۋنيۆەرسيتەتىنىڭ (ۇلىبريتانيا) عالىمدارى جۇرەك پەن قان تامىرلارى، سۋسامىر مەن ءتىس اۋرۋلارىنان ساقتانۋ ءۇشىن كۇنىنە 5 شاي قاسىق قانتتان ارتىق پايدالانباۋ تۋرالى عىلىمي-ساراپتامالىق قورىتىندىسىن جاريالاعان بولاتىن.

قاينار: ماسساگەت | رەداكتور: سارماي | كورىلىم : 670 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز