پاريجدە وتەتىن وليمپيادا تىزىمىنەن كاراتە جانە تاعى ەكى سپورت ءتۇرى شىعارىلدى - كەرۋەن تورابى

پاريجدە وتەتىن وليمپيادا تىزىمىنەن كاراتە جانە تاعى ەكى سپورت ءتۇرى شىعارىلدى

پاريجدە وتەتىن 2024- جىلعى وليمپيادانى ۇيىمداستىرۋ كوميتەتى ءتۋرنيردىڭ سپورت تۇرلەرىنىڭ ءتىزىمىن جاريالادى.

كاراتە، بەيسبول جانە سوفتبول ويىندارى تىزىمنەن الىنىپ تاستالدى. سونىمەن بىرگە، باعدارلاماعا تاعى ءبىر جاڭا سپورت ءتۇرى برەيك-دانس قوسىلدى. حالىقارالىق وليمپيادا كوميتەتى ءىس-شارانىڭ باعدارلاماسىن، سپورتشىلارعا سايكەس كۆوتالاردى جانە پاريج 2024- وليمپيادا ويىندارىنا جاڭا سپورت تۇرلەرىنىڭ ينتەگراتسياسىن راستادى. ۇيىمداستىرۋ كوميتەتى باعدارلامانىڭ تۇپكىلىكتى بەلگىلەنگەنىن جانە ونى وزگەرتۋگە بولمايتىنىن ايتتى.

دۇنيەجۇزىلىك كاراتە فەدەراتسياسىنىڭ پرەزيدەنتى انتونيو ەسپينوسا بۇل سپورت ءتۇرى وليمپيادا ويىندارىنا تۇراقتى تۇردە ورالۋى كەرەك ەكەنىن ايتتى.

«ءبىز الەمگە كاراتەنىڭ بىرەگەي سپورت ەكەنىن كورسەتتىك. ول ارنايى سپورتتىق دايىندىق پەن ارنايى تەحنيكانى قاجەت ەتەدى»،- دەدى ەسپينوسا.

ايتا كەتۋ كەرەك، 2024- جىلى 26- شىلدەدە پاريج ءۇشىنشى رەت وليمپيادا ويىندارىن سالتاناتتى تۇردە وتكىزەدى. فرانتسيا استاناسىندا وليمپيادا 1900- جانە 1924- جىلدارى وتكەن. سونىمەن قاتار، فرانتسيا قىسقى ويىنداردى ءۇش رەت ۇيىمداستىردى (شاموني-1924، گرەنوبل-1968  جانە البەرۆيل-1992).

ەسكە سالايىق، كاراتە العاش رەت 2020- جىلى توكيودا وتەتىن وليمپيادا ويىندارىندا ۇسىنىلعان بولاتىن. قازاقستاندىق كاراتەشىلەر دارحان ءاسادىلوۆ پەن سوفيا بەرۋلتسيەۆا قولا مەدال الدى. ولاردىڭ جۇلدەسى قازاقستان كاراتە سپورت تاريحىنداعى وليمپيادادان العان العاشقى جۇلدە ەدى.

قاينار: يىنتەرنەتتەن | رەداكتور: ايگەرىم | كورىلىم : 297 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز