الپى مۇزدىقتارى كولگە اينالىپ جاتىر - كەرۋەن تورابى

الپى مۇزدىقتارى كولگە اينالىپ جاتىر

شۆەيتسارلىق الپى تاۋلارىنىڭ سۋرەتتى لاندشافتى اۋا كليماتىنىڭ وزگەرۋىنە بايلانىستى كۇن وتكەن سايىن وزگەرىپ بارا جاتىر. مۇزدىقتاردىڭ ەرۋىنەن 1000 نان استام كول پايدا بولعان. بۇل وتكەن دۇيسەنبى كۇنگى كورسەتكىش. شۆەيتسارلىق مۇزدى كولدەردى كەزەكتى تىركەۋ كەزىندە كىشى مۇز داۋىرىنەن 1850- جىلعا دەيىن 1200 كول ەسەپكە الىنعان.

شۆەيتسارلىق سۋ عىلىمى جانە تەحنولوگياسى ينستيتۋتىنىڭ زەرتتەۋى بويىنشا كولدەردىڭ شامامەن 1000 ى قازىرگى كۇنگە دەيىن ساقتالعان. بۇل زەرتتەۋشىلەر بولجاعان كورسەتكىشتەن الدەقايدا كوپ. زەرتتەۋ مەڭگەرۋشىسى دەنيەل ودەرماتتىڭ ايتۋى بويىنشا، زەرتتەۋشىلەر سانداردى كورىپ تاڭعالعان. «كەيىنگى 10 جىل ىشىندە جاڭا 80 كول تىركەلگەن» دەيدى.

جىل سايىنعى زەرتتەۋدە شۆەيتسارلىق ءالپى مۇزدىقتارى 2 پايىزعا ازايىپ بارا جاتىر. عىلىمي اكادەميا وسىنداي دابىل قاعىپ وتىر.

2015- جىلى عالامدىق جىلىنۋدى تسەلسي باعامى بويىنشا 2 گرادۋسقا تومەندەتۋ تۋرالى پاريج كەلىسىمى بەكىتىلگەن شارتتاردى ادامزات تولىق ورىنداعاننىڭ وزىندە ەكى ءىرى ءالپى مۇزدىعى ەريدى دەيدى تسيۋريح عىلىمي جاراتىلىستانۋ-تەحنولوگيا ۋنيۆەرتيتەتىنىڭ 2019- جىلعى زەرتتەۋىندە.

شۆەيتسارلىق ءالپى تاۋلارىنىڭ توڭىرەگىندە 1946-1973- جىلدار ارالىعىندا جىلىنا تەك 8 جاڭا كول پايدا بولعان ەكەن. 2006-2016- جىلدارى جىلىنا– 18 جاڭا كول.

زەرتتەۋشىلەر 1850-2016- جىلدار ارالىعىندا پايدا بولعان 1200 كولدىڭ ورنالاسقان ورنىن، بيىكتىگىن، تەرەڭدىگىن، كولەمى مەن مولشەرىن ءار ۋاقىتتا زەرتتەپ ءار جىلمەن سالىستىرىپ وتىرعان. ءارقايسىنا توعان دايىنداعان.

مۇنداي زەرتتەۋ توتەنشە جاعداي كەزىندە بوگەت- توعانداردىڭ شىدامدىلىعىن، بەرىكتىگىن تەكسەرىپ تۇرۋعا سەپتىگىن تيگىزەدى.

قاينار: يىنتەرنەتتەن | رەداكتور: ءلالا | كورىلىم : 255 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز