Uber سەرىكتەستىگىنىڭ قۇرىلۋ تاريحى جانە دامۋ جولى - كەرۋەن تورابى

Uber سەرىكتەستىگىنىڭ قۇرىلۋ تاريحى جانە دامۋ جولى

Uber– تاكسي ىزدەۋگە جانە شاقىرۋعا ارنالعان موبيلدى قوسىمشا ويلاپ تاپقان امەريكالىق كومپانيا. قوسىمشانىڭ كومەگىمەن تاپسىرىس بەرىپ، بەلگىلەنگەن نۇكتەگە جەتكەنشە كولىكتى باقىلاي الادى. سايتىمىزUber تاكسي شاقىرۋ قوسىمشاسىنىڭ پايدا بولۋ تاريحى تۋرالى ماتەريال دايىندادى.

Uber قالاي قۇرىلدى؟

«Uber» جايلى ايتپاس بۇرىن ونىڭ نەگىزىن سالۋشىلارعا توقتالىپ وتەيىك. قوس كاسىپكەر دە ءوز سالالارىندا جەتىستىككە جەتكەن. بىرنەشە ءساتتى جوبالاردىڭ اۆتورلارى.

گاررەت كەمپ– كومپانيا نەگىزىن سالۋشىلاردىڭ ءبىرى. ول«StumbleUpon» اتتى جەلىدەن اقپارات ىزدەۋگە كومەكتەسەتىن جوبانى جاساپ شىققان. ال«Ebay» گاررەتتەن بۇل كاسىپورىندى 75 ميلليون دوللارعا ساتىپ الادى. الايدا«Uber» دى جاساۋ تۋرالى يدەيا تۋىنداعاندا، گاررەت بۇل جوبانى قايتا ساتىپ العان.

تريەۆيس كالانيك بيزنەسپەن شۇعىلدانۋدى جوعارعى سىنىپتا-اق باستاعان. 1998- جىلى تريەۆيس دوستارىمەن بىرگە مەديافايل الماستىرۋشى سەرۆيستەر جاساۋمەن شۇعىلداناتىن بيزنەس باستايدى. ءبىراز ۋاقىتتان سوڭ ول جەكە جوباسىن قولعا الىپ، 19 ميلليون دوللارعا ساتادى.

2008- جىلى تريەۆيس پەن گاررەت پاريجدە يدەيا مەن بيزنەس-جوسپار جايلى اقىلداسادى. الايدا شۇعىل جولعا شىعۋ كەرەك بولعاندىقتان، تاكسي ىزدەيدى. قالانىڭ ورتاسىندا تۇرعان ولار ءبىر ساعات بويى بوس تاكسي ىزدەۋگە ءماجبۇر بولادى. ءدال وسى كەزدە تۋريستەر مەن تۇرعىندارعا تاكسي شاقىرۋعا كومەكتەسەتىن ستارتاپ تۋرالى يدەيا تۋىندايدى.

يدەيانى ىسكە اسىرۋ ءۇشىن ولاردىڭ جانىنا وسكار سالازار قوسىلادى. ءبىر جىلدان كەيىن سان-فرانتسيسكودان«UberCab» كومپانياسى تىركەلدى. ال 2010- جىلى كومپانيا اتاۋى«Uber» دەپ قىسقارتىلدى. جوبانى سىناقتان وتكىزۋ ءۇشىن فيرما باسشىلىعى تاكسي رەتىندە وزدەرى دە تىركەلدى.

جۇرگىۋشىلەر ءوزىنىڭ نەمەسە تاكسي پاركتەرىنىڭ كولىگىن قولدانادى. تولەم اقىسىنىڭ 80% جۇرگىزۋشىگە، 20% «Uber» گە اۋدارىلادى.

ينۆەستيتسيا مەن سالىمدار

جوبانى جاساۋشىلار«Uber» دى تولىعىمەن ءوز قارجىلارىمەن دامىتقىسى كەلمەدى. فيرما جۇمىسى باستالعاننان باستاپ يۆەستيتسيالار مەن سالىمدار قابىلدانا باستادى. مۇندا دجەفف بەزوس، Menlo Ventures، Goldman Sachs جانە وزگە دە بيزنەس-جوبالار ءوز قارجىلارىن سالدى. كومپانيا شەتەلدىك سالىمشىلار ارقىلى وزگە ەلدىڭ نارىعىنا اياق باسۋدى ويلادى. وسىلايشا بىرنەشە جىلدىڭ ىشىندە«Uber» الەمدىك تاكسي نارىعىن جاۋلاي الدى.

Uber جەتىستىگىنىڭ سىرى نەدە؟

تاجىريبە. كوپتەگەن ستارتاپتار مينيمالدى كاپيتالمەن جانە قاراپايىم ادامداردىڭ باستاماسىمەن پايدا بولادى. سايكەسىنشە، ولار نەگىزگى قاتەلىكتەر مەن كۇردەلى سۇراقتاردىڭ جاۋابىن بىلمەيدى. ال كالانيك پەن كەمپتە مۇنداي ماسەلەلەر تۋىندامادى. ولار بۇعان دەيىن دە بىرنەشە ءساتتى جوبالاردى جاساعان. قانداي قاتەلىكتەردىڭ بولۋى مۇمكىن ەكەنىن جاقسى ءبىلدى. سونىمەن قاتار قوس كاسىپكەر ءوز سالاسىندا اتاققا يە ەدى. وسى سەبەپتى كومپانياعا سەنىم ارتۋشىلار دا كوپ بولدى.

ءتيىمدى ۋاقىت. 2009- جىل ەكونوميكامەن بايلانىستى جوبالار ترەندكە اينالىپ وتىردى. جۇزدەگەن ونەرتاپقىشتار ادام ءومىرىن جەڭىلدەتەتىن پروگراممالار، سايتتار جاسادى.

قاتال باسشىلىق.  داعدارىس كەزىندە ءساتتى يدەيالار مەن كومپانيالار دۇرىس جۇيە مەن شەشىم قابىلدارلىق باسشىنىڭ بولماۋىنان توقىراۋعا ۇشىرادى. ءبىراق بۇل«Uber» گە قاتىستى ەمەس. كالانيك جوبانى قانداي حاۋىپتەر كۇتەتىنىن جاقسى ءبىلدى. كوپتەگەن مەملەكەتتەر كومپانيا جۇمىسىنا قارسى بولدى. الايدا ولار ەشنارسەگە قاراماي العا جىلجىدى. «Uber» بيزنەسمەندەر ءۇشىن ءتيىمدى بولعاندىقتان، قوس باسشى سوڭىنا دەيىن كۇرەستى.

تۇتىنۋشىلار ءۇشىن ىڭعايلى. قوسىمشا جۇمىسى قاراپايىم. كەز كەلگەن ادام وزىنە تاكسي شاقىرىپ، ەركىن قولدانۋعا مۇمكىندىك الا الادى. سونىمەن قاتار مۇندا تىلگە قاتىستى ماسەلە مۇلدە بولمايدى. ال باعانى جۇرگىزۋشى ەمەس، كومپانيا بەلگىلەگەندىكتەن، كليەنت ءۇشىن ارزانعا ءتۇستى.

قاينار: يىنتەرنەتتەن | رەداكتور: سارماي | كورىلىم : 91 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز