ايگىلى سۋرەتشى پابلو پيكاسسونىڭ وقيعاسى مەن ءومىربايانى - كەرۋەن تورابى

ايگىلى سۋرەتشى پابلو پيكاسسونىڭ وقيعاسى مەن ءومىربايانى

پابلو پيكاسسو– سۋرەتشى، گرافيك، ءمۇسىنشى جانە ديزاينەر. ول ءوزىنىڭ جۇمىستارىمەن قوعامدى تاڭقالدىردى. ەڭبەكتەرىXX عاسىرداعى سۋرەت الەمىنە ۇلكەن وزگەرىستەر ەنگىزدى. كۋبيزمنىڭ نەگىزىن سالعان. پيكاسسونىڭ ايتۋى بويىنشا، ول الەمدى قالاي كورەتىنى بويىنشا ەمەس، ەلەستەتۋى بويىنشا سالادى. بۇل– شىعارماشىلىقتىڭ جوعارعى بەلگىسى. پابلو پيكاسسو الەمدەگى تانىمال سۋرەتشىگە اينالىپ، جۇمىستارى ەڭ قىمبات ءارى سۇرانىسقا يە بولىپ وتىر. سايتىمىز نازارلارىڭىزعا پيكاسسونىڭ جەتىستىگى جايلى ماتەريالدى ۇسىنادى.

قىسقا ءومىربايانى

پابلو رۋيس پيكاسسو 1881- جىلى 25- قازاندا يسپانيانىڭ مالاگا قالاسىندا دۇنيەگە كەلدى. اكەسى حوسە رۋيس سۋرەت پانىنەن ساباق بەرگەن. سوندىقتان قىلقالام مەن بوياۋ وعان بالا كۇنىنەن تانىس بولعان.

پابلو ەرتە جاسىنان قارىنداش ارقىلى ناقتى سىزبالاردى سالا باستايدى. ال مالاگاداعى ەرەكشە تابيعات پەن بۇقالار ايقاسى ونىڭ شىعارماشىلىعىنا دەم بەردى.

سۋرەت الەمىنە اياق باسۋى

پيكاسسو 8 جاسىندا «پيكادور» دەپ اتالاتىن العاشقى سۋرەتىن مايلى بوياۋمەن اعاشقا سالعان. سۋرەت بۇقالار شايقاسىنا ارنالدى. العاشقى كارتيناسىن جانىنان قالدىرمايتىن بولعان. پيكاسسو وزىنە قاتتى ۇنايتىن زاتتاردى ەشقاشان لاقتىرماعان دەسەدى.

ءبىر كۇنى حوسە 12 جاسار ۇلىنا كوگەرشىندەر بەينەلەنگەن سۋرەتتى اياقتاۋىن وتىنەدى. پابلو سۋرەتكە بەرىلگەنى سونشا، ءوزىنىڭ جاڭا سۋرەتىن سالىپ شىققان. اكەسى مۇنى كورىپ ۇزاق تۇرىپ قالادى. بۇدان كەيىن بوياۋلارىن ۇلىنا بەرىپ، سۋرەت سالۋعا ەشقاشان جولاماعان.

ءبىلىم الۋى جانە العاشقى جەتىستىكتەر

1894- جىلى وتباسىمەن بارسەلوناعا كوشىپ كەلەدى. پابلو ونەر مەكتەبىنە وقۋعا ءتۇسىپ، ءوز سۋرەتتەرىنە اناسىنىڭ تەگىن (پيكاسسو) جازادى. 1897- جىلى مادريدتەگى سان-فەرناندو اكادەمياسىنىڭ بايقاۋىنا قاتىسىپ، جەڭىپ شىعادى.

كوپتەگەن سۋرەتتەر پيكاسسوعا قيىندىق تۋعىزباعان. ءوزىنىڭ ارىپتەستەرى، جاس سۋرەتشىلەرمەن سويلەسىپ، ەڭبەكتەرىن سالىستىرا باستايدى. وسى كەزدە پابلو شىعارماشىلىعىنىڭ تىم جارقىن، ەرەكشە ءارى قىزىقتى ەكەنىن بايقايدى.

فرانتسياعا بارۋى

1900- جىلى فرانتسۋز ءتىلىن ۇيرەنىپ، دوسىمەن بىرگە فرانتسياعا اتتاندى. پاريجدە تالانتتى سۋرەتشىلەر باس قوساتىن. ولار سۋرەت الەمىن تالقىلاپ، جاڭا سالالار دا دۇنيەگە كەلەتىن. ءبىر جىلدان سوڭ پيكاسسو ءوز سۋرەتتىن بەلگىلى كوللەكتسيا جييۋشى ۆوللاردىڭ گالەرەياسىنا قويدى.

وسى ۋاقىتتا وعان دوسىنىڭ ءوزىن-ءوزى ءولتىرۋى قاتتى اسەر ەتتى. ءومىرىنىڭ بۇل كەزەڭىندە سۋرەتشى كەدەيلىك تاقىرىپتارىندا سۋرەتتەر سالدى.

كۋبيزمنىڭ نەگىزىن سالۋشى

1904- جىلى پابلو مونمارترگە كوشەدى. مۇندا ءوزىنىڭ «اكروباتتار وتباسىسى مايمىلمەن بىرگە» سۋرەتىن سالدى. 1907- جىلى جورج براكپەن ناتۋراليزمنەن كەتىپ، جاڭا باعىت –  كۋبيزمنىڭ نەگىزىن سالدى.

قىرلى زاتتار، گەومەتريالىق فيگۋرالار، ناتيۋرمورتتىڭ بولشەكتەرى ونىڭ سۋرەتتەرىن تولىقتىردى. الايدا ءبىرىنشى دۇنيەجۇزىلىك سوعىستان كەيىن ونىڭ ەڭبەكتەرىنەن كۋبيزمنىڭ بەلگىلەرى سيرەك بايقالادى.

سوعىس ۋاقىتىندا پيكاسسو ورىس بالەتىمەن كەلىسىم جاسايدى. كيىمدەر مەن قويىلىمعا قاجەتتى دەكوراتسيالاردى دايىندادى. وسى كەزدە بالەرينا ولگا حوحلوۆامەن تانىسىپ، 1918- جىلى وتباسىن قۇرادى. 1921- جىلى ولاردىڭ ۇلى پول دۇنيەگە كەلگەن.

پيكاسسو– كەراميك

1947- پابلو پيكاسسو كەراميكا سالاسىنا قىزىعا باستايدى. زاۋىتتا ءتۇرلى ىدىستار، قۇمىرا مەن مۇسىندەردى دايىندايدى. الايدا بۇل ىستەن دە جالىعىپ، سۋرەتكە قايتا ورالدى.

ءومىرىنىڭ سوڭعى جىلدارىندا پابلو ءتۇرلى جانرلاردا سۋرەت سالدى. سونىمەن قاتار وزىنە موديليانيدىڭ ەڭبەكتەرى قاتتى ۇناعانىن مويىنداعان.

قاينار: يىنتەرنەتتەن | رەداكتور: ايگەرىم | كورىلىم : 618 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز