ءجيى ساياحاتتايتىن ماماندىق يەلەرى - كەرۋەن تورابى

ءجيى ساياحاتتايتىن ماماندىق يەلەرى

ساياحاتتاپ ءجۇرىپ جۇمىس ىستەۋ — كوپتەگەن جاستىڭ ارمانى. بۇگىن نازارلارىڭىزعا جانعا جايلى ساياحاتپەن ومىرگە پايدالى جۇمىستى قاتار الىپ جۇرەتىن سالالاردى ۇسىنامىز.

1. ۇشاق كاپيتانى، ەكىنشى ۇشقىش، ستيۋاردەسسا

ساياحاتپەن بايلانىستى ماماندىقتار اراسىندا ەڭ تانىمالى دەسەك قاتەلەسپەيمىز. بۇل سالادا جۇمىس ىستەۋ ءۇشىن ارنايى ءبىلىمىڭىز بولۋى شارت. سونىمەن قاتار، دەنساۋلىعىڭىزدى دا قولعا الۋ كەرەك. ستيۋاردەسسالاردى تاڭداۋدا سالماق پەن بويعا دا نازار اۋدارادى.

2. تۋريستىك لاينەر جۇمىسشىسى

بۇل ماۋسىمدىق قىزمەت تۇرىنە جاتادى. ادەتتە بۇل سالادا اعىلشىن ءتىلىن جەتىك مەڭگەرگەن جاس ستۋدەنتتەر قىزمەت ەتەدى. بۇنداي جۇمىسقا ورنالاسۋ قيىن ەمەس. وقىتۋ جۇمىستارىنان ءوتىپ، نۇسقاۋلىق بويىنشا جۇمىس ىستەيسىز.

3. فوتوگراف

ساياحاتشى فوتوگراف بولۋ ءۇشىن ءبىراز تەر توگۋگە تۋرا كەلەدى. الدىمەن داعدىلاردى جەتىلدىرىپ، ەرەكشە تاپسىرىستارمەن جۇمىس ىستەپ ۇيرەنۋ كەرەك. كەيىن شەت مەملەكەتتەردىڭ ارنايى تاپسىرىستار دا ءتۇسۋى مۇمكىن.

4. حالىقارالىق ءتىلشى

جيى ءىسساپارعا شىعۋعا قارسى بولماساڭىز ءارى قيىن، ءحاۋىپتى جۇمىستى اتقارۋعا دايىن بولساڭىز حالىقارالىق جۋرناليستيكا سالاسىندا ءبىلىم الساڭىز بولادى.

5. اۋدارماشى

اۋدارماشى جۇمىسى كەز كەلگەن ەلدىڭ ەسىگىن اشىپ بەرەدى. سالا بويىنشا ءبىلىمىڭىز بەن تاجىريبەڭىز بولسا حالىقارالىق كومپانيالار ءسىزدى اسىعا كۇتەدى.

6. ارحەولوگ

ەكسپەديتسيا مۇشەسى بولۋ ءۇشىن بۇل سالا بويىنشا جۇمىس ءوتىلىڭىز بولۋ مىندەتتى ەمەس. ولار ستۋدەنتتەردى دە قاسىنا الادى. دەگەنمەن ءسىز كەز كەلگەن جۇمىستى، سونىڭ ىشىندە اۋىرىن دا ورىنداۋعا دايىن بولۋىڭىز كەرەك.

7. ديپلومات، ەلشى

بەدەلدى ءارى جاۋاپتى جۇمىس ادامنان تەك اشىقتىقتى عانا ەمەس، اقىلدى تالاپ ەتەدى.

8. شەتەلدىك كومپانيالارداعى ساتۋ ءىسى مەنەدجەرى.

كەرەكتى داعدىلار: ساتۋ ءىسىن ءبىلۋ، اعىلشىن ءتىلى، قۋات پەن ادامدارمەن ەركىن ءتىل تابىسۋ. جۇمىسقا تۇرعاننان كەيىن، ءجيى ءىسساپارعا شىعۋعا تۋرا كەلەدى.

9. Event-مەنەدجەر.

ءىس-شارالاردى ۇيىمداستىرۋ سالاسى جىل سايىن دامىپ كەلەدى. ءبارىن جوعارى دەڭگەيدە ۇيىمداستىرۋ ەكىنىڭ ءبىرىنىڭ قولىنان كەلە بەرمەيدى. بۇل سالادا دا ءجيى ءىسساپارعا شىعۋ ادەتكە اينالادى.

10. تۋريستىك اگەنتتىك ۇيىمداستىرۋشى

بۇل— ماماندىق سانالماسا دا، كوپ جۇمىس پەن ىزدەنىستى كەرەك ەتەتىن سالا. ودان بولەك، ۇلكەن قاراجاتپەن، كوپ اداممەن جۇمىس ىستەيتىندىكتەن جاۋاپكەرشىلىكتى تالاپ ەتەدى.

قاينار: يىنتەرنەتتەن | رەداكتور: اراي | كورىلىم : 99 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز