بىلگەنىڭىز ابزال! ساياحاتشىلارعا قولدانىلاتىن الاياقتىق تۇرلەرى - كەرۋەن تورابى

بىلگەنىڭىز ابزال! ساياحاتشىلارعا قولدانىلاتىن الاياقتىق تۇرلەرى

شەتەلگە ساياحاتتاۋ بۇگىندە سانگە اينالعان. دەگەنمەن ساياحاتشىلار ءجيى باراتىن ەلدەردە الاياقتىق دەڭگەيى دە ءوسىپ كەلەدى، سايتىمىز وسى ەلدەردىڭ ءتىزىمىن ۇسىنادى،  شەتەلگە ساياحاتتاۋ مۇمكىندىگىنە يە بولساڭىز شاما بار ەستەرىڭىزدە بولسىن.

بولگاريا

بولگاريادا اقشا ايىرباستاۋ ورىندارىنىڭ قىزمەتكەرلەرى ساياحاتشىلار ءجيى كەلەتىن ۋاقىتتا قۋلىققا باسادى. اقشا ايىرباستايتىن ورىندارعا ەۋرووداقتىڭ تۋىن ءىلىپ، ۆاليۋتا باعامىنا ۇقساس سانداردى جازىپ قويادى. كورسەتىلگەن باعا ساياحاتشىلارعا ءتيىمدى بولىپ كورىنەدى. وسىعان الدانىپ اقشانى ايىرباستايدى. كەيىننەن وتىرىك اقشا ەكەنىنە كوزدەرى جەتىپ جاتادى.  سوندىقتان اقشاڭىزدى ايىرباستاماس بۇرىن مىندەتتى تۇردە ۆاليۋتا باعامىنان حاباردار بولىڭىز.

تۇركيا

ساياحاتشىلاردى الداۋدىڭ تاعى ءبىر ءتاسىلى تۇركياداعى تاكسي جۇرگىزۋشىلەرى. تاكسي جۇرگىزۋشىسى ساياحاتشىلارعا ارتىق اقشانى قايتارۋ كەزىندە قۋلىققا سالىپ، قۇنى تومەندەۋ باسقا قاعاز اقشانى بەرەدى. كوبىسى وعان ءمان بەرمەيدى. قالتاسىنا سالىپ ءوز جونىمەن كەتە بەرەدى. كەڭەس: تاكسيدەن شىقپاس بۇرىن اقشانى مىندەتتى تۇردە ساناپ الىڭىز. مۇمكىندىك بولسا ءىرى اقشا بەرمەۋگە تىرىسىڭىز.

ءۇندىستان

ساياحاتشىلار كوبىنە ساياحاتقا فوتوكامەرالارىن الىپ شىعادى. ءۇندىستاننىڭ مۋزەيى مەن حرامدارىنىڭ كوپشىلىگىندە سۋرەتكە تۇسىرۋگە تيىم سالىنعان. ال قىزمەتكەرلەر كىرەردە قولداعى كامەرانى وتكىزۋدى تالاپ ەتەدى. دەگەنمەن ولارعا كامەرانى تابىستاۋدىڭ قاجەتى جوق. سەبەبى زاتىڭىزدى قايتارا الماي قالۋىڭىز مۇمكىن. كەڭەس: ەگەر قىزمەتكەرلەر قاتاڭ تالاپ قويىپ جاتسا، كامەراڭىزدىڭ قۋاتتاعىشىن الىپ تاستاڭىز. تۇسىرە المايتىنىڭىزدى دالەلدەڭىز.

مىسىر

الەم عاجايىپتارىنىڭ وتانى مىسىر ەلىندە تۇيەگە ءمىنىپ سەرۋەندەۋدەن باس تارتاتىندار جوقتىڭ قاسى. ۇشى-قيىرى جوق قۇم دالانى استىنداعى سەنىمدى كولىگىمەن ارالاعانعا نە جەتسىن؟ ءبىراق وسىنى ارابتاردىڭ كەيبىرى ءوزىنىڭ پايداسىنا اسىرادى. تۇيەگە مىنگىزىپ الىپ، ودان ءتۇسۋى ءۇشىن تۋريستەن قوسىمشا تولەم سۇرايدى.

شري-لانكا

ساياحاتشىلار اراسىندا تانىمال دەمالىس ورنىنا اينالىپ كەلەدى. مۇندا «تۋك-تۋك» دەپ اتالاتىن ءۇش دوڭگەلەكتى موتوتسيكل ۇلكەن سۇرانىسقا يە. ەلدەگى باعانى ءجوندى بىلمەيتىن ءتۋريستى كورگەندە جۇرگىزۋشىلەر ەكى ەسە قىمبات باعا ايتادى. كەيبىرى تولەمدى كوبەيتۋ ءۇشىن ادەيى باسقا باعىتپەن ءجۇرىپ، جولدى ۇزارتادى. سوندىقتان ناقتى اقشا سوماسىن سۇراپ الىڭىز. مۇمكىندىك بولسا قولىڭىزعا كارتا الىپ، جۇرگىزۋشىگە باراتىن ورىندى كورسەتىڭىز. ءسىزدىڭ جولدى بىلەتىندىگىنە كوزى جەتسىن.

ماروككو

حالقى وتە مەيىرىمدى ءارى كومەك بەرۋگە دايىن. بۇل مەيىرىمدىلىكتىڭ ماقساتى– كورسەتىلگەن كومەككە اقشا سۇراۋ. ءتىپتى سىزگە كورسەتىلگەن جاقسىلىق وزىڭىزگە قاجەتسىز بولسا دا اقشا تولەۋگە تۋرا كەلەدى.

مانيلا

مانيلا اۋەجايىندا قولدانىلاتىن «تانيم-بالا» ادىسىنەن ساياحاتشىلاردى ساقشى قىزمەتكەرلەرى دە قورعاي المايدى. سەبەبى بۇل ءادىستى جەرگىلىكتى قىلمىستىق سينديكات توبى ۇيىمداستىرادى. الدانىپ قالاتىنداردىڭ كوپشىلىگى– ساياحاتشىلار. ايلاكەرلەر ساياحاتشىلاردىڭ جانىنان ءوتىپ بارا جاتىپ، ونىڭ سومكەسىنە وق سالىپ جىبەرەدى. ال سومكە تەكسەرىستەن وتكەندە ناعىز شۋ باستالادى. تۇبىندە بارلىعى اقشا بەرۋمەن شەشىلەدى. تەكسەرىستە وتىراتىن قىزمەتكەر مەن ايلاكەر الىنعان تابىستى تەڭدەي ءبولىپ الادى. وسىلايشا الاياقتىق ارەكەتپەن قوماقتى قارجىنى يەمدەنىپ وتىرادى. سوندىقتان ادام كوپ جۇرەتىن ورىنداردا سومكەنىڭ بارلىق قالتالارى جابىق ەكەندىگىنە كوز جەتكىزىڭىز.

قاينار: يىنتەرنەتتەن | رەداكتور: اراي | كورىلىم : 136 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز