اعىلشىن تىلىنەن كەيىنگى تانىمال تىلدەر - كەرۋەن تورابى

اعىلشىن تىلىنەن كەيىنگى تانىمال تىلدەر

قازىرگى ۋاقىتتا تەك ءبىر شەت ءتىلىن يگەرۋمەن شەكتەلۋگە بولمايدى. ويتكەنى، جاستايىنان اعىلشىن ءتىلىن، حانزۋ ءتىلىن، ورىس ءتىلىن جانە قازاق تىلدەرىندە ەركىن سويلەپ قانا قويماي، الەمنىڭ تاعى بىرنەشە تانىمال تىلىندە سويلەيتىن جاستار جەتكىلىكتى. ولار تەك ءتىلدى مەڭگەرىپ قانا قويماي، بىرنەشە مادەنيەتتى ەركىن قابىلداي الادى. بۇگىن اعىلشىننان كەيىن تانىمال بىرنەشە ءتىلدى ۇسىنامىز:

نەمىس ءتىلى:

نەمىس ءتىلى ەۋروپاداعى بىرنەشە ميلليونداعان ادامنىڭ انا ءتىلى سانالادى. ونىڭ ۇستىنە، ەۋروپالىق وداقتا گەرمانيانىڭ رولى جوعارى. ەكونوميكالىق جانە مادەني تۇرعىدان دامىعان مەملەكەتتەر قاتارىندا. ەگەر اعىلشىن ءتىلىن بىلسەڭىز، نەمىس ءتىلىن يگەرۋ قيىنعا سوقپايدى. ءتىپتى اعىلشىن تىلىنە قاراعاندا جەڭىلىرەك.

حانزۋ ءتىلى:

الەمدە ەڭ كوپ تارالعان ءتىلدىڭ قاتارىنا جاتادى. ونىڭ ۇستىنە حانزۋ تىلىندە جۇرناق، جالعاۋ، سەپتىك جوق. ەلىمىز ەكونوميكاسىنىڭ قانشالىقتى قارقىندى دامىعانىن بارلىق تۇتىناتىن ءونىمنىڭ ەلىمىزدەن شىعارىلاتىنىنا قاراپ بىلۋگە بولادى.

فرانسۋز ءتىلى:

فرانسۋز ءتىلى الەمدەگى كەڭىنەن تانىمال ءارى ادەمى تىلدەر قاتارىنا جاتادى. بۇل تىلدە تەك فرانسۋزدار عانا ەمەس، كانادا، باتىس افريكا جانە ماعريب ەلدەرى تۇرعىندارى سويلەيدى. فرانسۋز ءتىلى كوركەم ءارى قۇلاققا وتە جاعىمدى ەستىلەدى. 

يسپان ءتىلى:

يسپان ءتىلىن ءبىلۋ يسپانياعا عانا ەمەس، لاتىن امەريكاسىنا ەسىك اشادى. كوپتەگەن مەملەكەتتەردە ەكىنشى ءتىل رەتىندە يسپان ءتىلى وقىتىلادى. ودان بولەك، قازىر يسپان تىلىندەگى مۋزىكالارعا سۇرانىس ارتىپ كەلەدى. ىرعاقتى، ەموتسياعا باي ءارى ىڭكارلىكتىڭ ءتىلى سانالاتىن يسپان ءتىلىن ۇيرەنۋگە كەڭەس بەرەمىز. ⠀

اراب تىلى:

اراب ءتىلى 20 دان استام مەملەكەتتىك رەسمي ءتىلى سانالادى. اراب الەمى وزىنە عانا ءتان ەرەكشە ونەرىمەن، مۋزىكاسىمەن، ادەبيەتى مەن اسحاناسىمەن تانىمال. اراب مەملەكەتتەرىندە ءتىلدى ەركىن مەڭگەرگەن ماماندى قۇرمەتتەيدى. اراب حالقى مەن ەكونوميكاسى قارقىندى دامۋ ۇستىندە. 

قاينار: يىنتەرنەتتەن | رەداكتور: سارماي | كورىلىم : 293 رەت

  • نازارلارىڭىز بىزدە بولسىن

ءسىز قىزىعاتىن مازمۇندار


جۇڭگو جىلجىمالى حابارلاسۋ سەرىكتەستىگى

تەكشەمىزگە قوسىلىڭىز